قاضی حسین احمد کی 12ویں برسی آج، تعزیتی ریفرنسز کا انعقاد
https://jang.com.pk/assets/uploads/updates/2026-01-06/1544315_3056940_add_updates.jpgجماعت اسلامی پاکستان کے سابق امیر قاضی حسین احمد کی 12ویں برسی آج منائی جارہی ہے۔
اس سلسلے میں جماعت اسلامی کے زیر انتظام ملک بھر میں تعزیتی ریفرنسز، کانفرنسز، مذاکرے اور مختلف تقریبات کا اہتمام کیا گیا ہے۔
قاضی حسین احمد مرحوم ایک شعلہ بیان مقرر، درد مند قومی رہنما اور مسلم اتحاد کے پُرجوش داعی تھے۔
انہوں نے جماعت اسلامی کو روایتی سے ہٹ کر ایک متحرک اور فعال سیاسی جماعت بنایا۔ سینیٹ، قومی اسمبلی اور متحدہ مجلس عمل میں بھی نمایاں کردار ادا کیا۔ https://jang.com.pk/assets/uploads/updates/2019-01-06/595121_105406_the-former-chief-of-jamaat-e-islami-qazi-hussain-ahmed_updates.jpg
جماعت اسلامی کو عوامی جماعت بنانیوالےقاضی حسین احمد
جماعت اسلامی کے سابق امیر قاضی حسین احمد کو ہم سے... https://jang.com.pk/assets/front/images/jang-icons/16x16.png
اس سلسلے میں امیر جماعت اسلامی پاکستان حافظ نعیم الرحمٰن نے اپنے پیغام میں کہا کہ قاضی حسین احمد نے ملک وملت کے لیے شاندار خدمات سر انجام دیں۔
حافظ نعیم الرحمٰن نے کہا کہ 5 فروری یوم یکجہتی کشمیر قاضی حسین احمد کا صدقہ جاریہ ہے، وہ نوجوانوں کے لیے شجرہ سایہ دار تھے۔
حافظ نعیم الرحمٰن نے مزید کہا کہ قاضی حسین احمد امت مسلمہ کے نمائندہ رہنما تھے، ان کی قومی ملی خدمات کو مدتوں یاد رکھا جائے گا۔
Pages:
[1]