آئی سی سی نے بنگلادیش کی درخواست مسترد کر دی: کرکٹ ویب سائٹ کا دعویٰ
https://jang.com.pk/assets/uploads/updates/2026-01-07/1544575_6481810_%DA%A9%DA%BE%D8%B3_updates.jpg—فائل فوٹوکرکٹ ویب سائٹ نے دعویٰ کیا ہے کہ انٹرنیشنل کرکٹ کونسل نے بنگلادیش کی بھارت سے باہر وینیو پر ٹی ٹوئنٹی ورلڈ کپ کے میچز منتقل کرنے کی درخواست مسترد کر دی۔
میڈیا رپورٹس کے مطابق آئی سی سی نے بنگلادیش کی درخواست مسترد کرتے ہوئے میچز کے لیے بھارت جانے کا کہہ دیا، بھارت نہ جانے کی صورت میں پوائنٹس کھونا پڑیں گے۔
ادھر بنگلادیش کرکٹ نے دعویٰ کیا کہ گورننگ باڈی کی طرف سے ایسا کوئی الٹی میٹم نہیں دیا گیا۔
میڈیا رپورٹس کے مطابق آئی سی سی اور بنگلادیش کرکٹ بورڈ کے رابطے کی متضاد اطلاعات ہیں۔ تاہم اس حوالے سے کوئی باضابطہ اعلان آئی سی سی یا بی سی بی کی جانب سے جاری نہیں کیا گیا۔ https://jang.com.pk/assets/uploads/updates/2026-01-06/1544323_011548_updates.jpg
بنگلادیش کرکٹ ٹیم کسی صورت بھارت نہیں جائے گی: آصف اکبر
بنگلادیش کرکٹ بورڈ کے ڈائریکٹر آصف اکبر نے بھارت کے حوالے سے سخت مؤقف اپناتے ہوئے کہا ہے کہ ہم ورلڈ کپ کے لیے بھارت نہیں جائیں گے۔ https://jang.com.pk/assets/front/images/jang-icons/16x16.png
واضح رہے کہ گزشتہ روز آئی سی سی اور بی سی بی کی ورچوئل کال ہوئی تھی۔
ورچوئل کال کا اہتمام آئی سی سی نے اتوار کو بی سی بی کے لیٹر کے موصول ہونے کے بعد کیا، جس میں بنگلادیش کرکٹ بورڈ کی درخواست کو مسترد کیا گیا ہے۔
بنگلادیش نے سیکیورٹی خدشات کے باعث بھارت سے میچز منتقل کرنے کا کہا تھا۔ تاہم آئی سی سی نے بی سی بی کو بتایا ہے کہ بنگلادیش ٹیم کو بھارت ٹریول کرنا پڑے گا۔ بصورتِ دیگر میں بنگلادیش کو میچز کے پوائنٹس نہیں دیے جائیں گے۔
Pages:
[1]