فیصل قریشی اور جنید خان کا بیویوں کی رومانوی توقعات پر دلچسپ تبصرہ
https://jang.com.pk/assets/uploads/updates/2026-01-07/1544580_384185_2_updates.jpgفائل فوٹوپاکستان شوبز انڈسٹری کے معروف اداکار فیصل قریشی اور جنید خان نے بیویوں کی رومانوی توقعات پر اپنے خیالات کا اظہار کردیا۔
فیصل قریشی اور جنید خان ناصرف شاندار اداکاری بلکہ سوشل میڈیا پر بھی مضبوط فالوونگ کے حامل ہیں، فیصل قریشی کئی مقبول ڈراموں میں اپنی صلاحیتوں کا لوہا منوا چکے ہیں، ان دنوں دونوں اداکار ڈرامہ کیس نمبر 9 میں روہت اور کامران کے کرداروں کی وجہ سے ناظرین کی توجہ حاصل کر رہے ہیں۔
حال ہی میں جنید خان فیصل قریشی کے نئے شروع کیے گئے شو میں بطور مہمان شریک ہوئے، جہاں دونوں اداکاروں نے ایک بے تکلف گفتگو کے دوران اپنی ذاتی زندگی، خصوصاً بیویوں کی جانب سے رومانوی توقعات پر کھل کر بات کی۔ https://jang.com.pk/assets/uploads/updates/2025-11-30/1533178_091849_updates.jpg
فیصل قریشی کی اچانک وزن میں کمی، وجہ کیا؟
اداکار نے کہا کہ میں خود کو خوش قسمت سمجھتا ہوں کہ مجھے ہمیشہ مختلف اور چیلنجنگ کردار ملتے ہیں https://jang.com.pk/assets/front/images/jang-icons/16x16.png
اس موقع پر جنید خان نے کہا کہ گھر میں ہماری بیویاں ہم سے رومانس کی توقع رکھتی ہیں، وہ کہتی ہیں کہ آپ ٹی وی پر جس طرح رومانس کرتے ہیں، ویسا گھر میں کیوں نہیں کرتے، وہ ڈائیلاگ ہمیں کیوں نہیں سناتے، مداح بھی یہ سمجھتے ہیں کہ ہم حقیقی زندگی میں بھی پیدائشی رومانوی ہوتے ہیں، حالانکہ ایسا نہیں ہے۔
فیصل قریشی نے اس گفتگو میں اضافہ کرتے ہوئے کہا کہ جب ہم گھر میں بیویوں کے ساتھ رومانس کرنے کی کوشش کرتے ہیں تو وہ کہتی ہیں کہ ڈرامہ مت کرو، لوگ اکثر کہتے ہیں کہ آپ ٹی وی پر رومانس کرنے کے باوجود غصے والے انسان لگتے ہیں، دراصل کبھی کبھی ساری توجہ آپ پر ہوتی ہے، جو ایک دباؤ پیدا کرتی ہے، اسی وجہ سے ہم تھوڑے محتاط ہو جاتے ہیں، لیکن اس کا مطلب یہ نہیں کہ ہم سخت مزاج ہیں۔
اداکاروں کی اس گفتگو کو سوشل میڈیا پر خاصی پذیرائی مل رہی ہے، جہاں شائقین شوبز شخصیات کی حقیقی زندگی کے اس پہلو کو دلچسپی سے دیکھ رہے ہیں۔
Pages:
[1]