لاہور نجی یونیورسٹی واقعہ: طالبہ سے فون پر بات کرنے والا نوجوان شامل تفتیش
https://jang.com.pk/assets/uploads/updates/2026-01-07/1544609_1560861_%D9%84%D8%A7%DB%81%D8%B9_updates.jpgلاہور کی نجی یونیورسٹی میں دوسری منزل سے چھلانگ لگانے والی طالبہ کے کال ریکارڈ کی بنیاد پر ایک نوجوان کو شامل تفتیش کرلیا گیا ہے۔
نجی یونیورسٹی کی طالبہ کے اقدام خودکشی کی تفتیش میں پیش رفت ہوئی ہے، پولیس نے لڑکی کے موبائل کالز کی مزید تفصیلات حاصل کرلیں۔
تفتیشی ذرائع کا بتانا ہے کہ ایک نوجوان کو شامل تفتیش کیا گیا ہے، لڑکے کا تفصیلی بیان ریکارڈ کرکے تفتیش آگے بڑھائی جائے گی۔ https://jang.com.pk/assets/uploads/updates/2026-01-05/1544101_090247_updates.jpg
لاہور: نجی یونیورسٹی میں طالبہ کی مبینہ خودکشی کی کوشش، تحقیقاتی کمیٹی قائم
یہ واقعہ اسی نجی یونیورسٹی میں پیش آیا جہاں کے ایک طالبعلم محمد اویس نے تقریباً دو ہفتے پہلے چھلانگ لگا کر خودکشی کی تھی۔ https://jang.com.pk/assets/front/images/jang-icons/16x16.png
تفتیشی ذرائع کے مطابق لڑکی کی حالت بہتر ہونے پر تفصیلی بیان ریکارڈ کیا جائے گا۔
مبینہ اقدامِ خودکشی کرنے والی طالبہ لاہور کے جنرل اسپتال میں زیر علاج ہے، اسپیشل میڈیکل بورڈ کے ارکان کی تعداد 4 سے بڑھا کر 7 کردی گئی ہے۔
جنرل اسپتال کے پرنسپل پروفیسر فاروق افضل کا کہنا ہے کہ سینئر ڈاکٹرز طالبہ کی مسلسل نگہداشت کر رہے ہیں، طالبہ کو علاج معالجے کی بہترین سہولیات کی فراہمی یقینی بنارہے ہیں۔
یاد رہے کہ پیر کو لاہور کی نجی یونیورسٹی کی طالبہ نے عمارت کی دوسری منزل سے چھلانگ لگاکر خودکشی کی کوشش کی تھی جسے تشویشناک حالت میں اسپتال منتقل کیا گیا۔
اسپتال انتظامیہ کا کہنا ہے کہ طالبہ کو دماغ پر چوٹ آئی ہے اور اسکی کمر کی کچھ ہڈیوں اور گھٹنے میں فریکچر ہے، اس کی حالت تشویشناک ہے۔
یہ واقعہ اسی نجی یونیورسٹی میں پیش آیا جہاں کے ایک طالبعلم محمد اویس نے تقریباً دو ہفتے پہلے چھلانگ لگا کر خودکشی کی تھی۔
Pages:
[1]