60 سال سے ملک میں ہائبرڈ حکومتیں ہیں، شاہد خاقان
https://jang.com.pk/assets/uploads/updates/2026-01-07/1544637_8757571_Shahidkhaqan_updates.jpgسابق وزیراعظم اور عوام پاکستان پارٹی کے سربراہ شاہد خاقان عباسی نے کہا ہے کہ پاکستان کے موجودہ حالات کے ہم سب یکساں ذمے دار ہیں۔
نیشنل ڈائیلاگ کمیٹی کے تحت قومی ڈائیلاگ سے خطاب میں شاہد خاقان عباسی نے کہا کہ 60 سال سے ملک میں ہائبرڈ حکومتیں ہیں، جب تک سب بیٹھیں گے نہیں، حالات بہتر نہیں ہوں گے۔
انہوں نے کہا کہ پاکستان کی خرابیوں کے ذمے دار سب ہیں، میں ایسے شخص یا ادارے کو نہیں جانتا جو ملکی حالات کا ذمے دار نہ ہو۔ https://jang.com.pk/assets/uploads/updates/2026-01-07/1544636_050351_updates.jpg
ڈائیلاگ کا عمل ہمیشہ ہی پائیدار نتیجہ دیتا ہے، شیر افضل مروت
پاکستان تحریک انصاف （پی ٹی آئی） کے رکن قومی اسمبلی شیر افضل مروت نے کہا ہے کہ ڈائیلاگ کا عمل ہمیشہ ہی پائیدار نتیجہ دیتا ہے۔ https://jang.com.pk/assets/front/images/jang-icons/16x16.png
سابق وزیراعظم نے مزید کہا کہ ملکی مسائل اور معاملات کا نتیجہ معیشت کی حالت سے نظر آتا ہے، جب میڈیا آزاد نہیں ہوتا خرابی ہوتی ہے تو اس کے اثرات معیشت پر نظر آتے ہیں۔
اُن کا کہنا تھا کہ ملک میں انتشار ہو گا تو ملک نہیں چلے گا، اس ملک کے حالات کے ہم سب یکساں طور پر ذمے دار ہیں، ملک میں جب قانون کی حکمرانی نہ ہو تو اس کے اثرات معیشت پر آتے ہیں۔
شاہد خاقان عباسی نے یہ بھی کہا کہ بانی چیئرمین بھی حکومت کرچکے ہیں، ان کے پاس آج بھی حکومت ہے، یہ مسئلہ بانی چیئرمین کی رہائی کا نہیں ہے۔
انہوں نے کہا کہ 38 ارب ڈالر بیرون ملک سے لوگوں نے گزشتہ سال پاکستان بھیجے ہیں، ملک کے حالات کو سمجھنے کی ضرورت ہے، حل اس طرح بیٹھ کر ملے گا۔
سابق وزیراعظم نے کہا کہ آپ نے آئین کو توڑ موڑ کر رکھ دیا، اس وجہ سے خرابی ہوئی، سیاستدان، فوج، ججز، تاجروں سب کو مل کر بیٹھ کر بات کرنا ہوگا۔
اُن کا کہنا تھا کہ حب الوطنی کے دعوے سب کرتے ہیں لیکن ملک کےجو حالات ہیں وہ حب الوطنی والے نہیں، اس ملک پر حقیقتاً اشرافیہ کا قبضہ ہے، آج ناکامی لیڈرشپ کی وجہ سے ہے۔
Pages:
[1]