روسی آئل ٹینکر پکڑنے میں برطانیہ بھی امریکا کا مددگار
https://jang.com.pk/assets/uploads/updates/2026-01-08/1544860_5327660_%D8%A6%D8%B3%D8%B3%DB%8C%D8%A7_updates.jpgامریکی کوسٹ گارڈ کی جانب سے بحر اوقیانوس میں روسی پرچم والا آئل ٹینکر قبضے میں لینے کے معاملے میں برطانوی وزارت دفاع کا بیان سامنے آگیا۔
برطانوی وزارت دفاع کا کہنا ہے کہ روسی پرچم والا آئل ٹینکر قبضے میں لینے کے مشن میں برطانیہ نے امریکا کا ساتھ دیا۔
برطانوی وزارت دفاع کے مطابق امریکا کی درخواست پر جہاز کو قبضے میں لینے کے لیے معاونت فراہم کی، امریکا کو معاونت بین الاقوامی قانون کے تحت فراہم کی گئی۔ https://jang.com.pk/assets/uploads/updates/2026-01-07/1544670_100732_updates.jpg
امریکا نے وینزویلا سے منسلک روسی پرچم والا آئل ٹینکر سمیت 2 جہاز ضبط کرلیے
امریکی وزیر دفاع پیٹ ہیگسیتھ نے کہا کہ پابندی کے شکار وینیزویلا پر تیل کی دنیا میں کسی بھی جگہ ترسیل پر پابندی ہے۔ https://jang.com.pk/assets/front/images/jang-icons/16x16.png
برطانوی وزارت دفاع نے اپنے بیان میں مزید کہا کہ امریکا اور برطانیہ کے دفاعی تعلقات دنیا میں سب سے زیادہ گہرے ہیں۔
یاد رہے کہ امریکا نے بحرِ اوقیانوس میں روسی پرچم والا آئل ٹینکر قبضے میں لے لیا ہے جس پر روس نے شدید احتجاج کیا ہے۔
روس نے امریکی حرکت کو بحری قذّاقی قرار دیتے ہوئے کہا کہ روسی آئل ٹینکر بین الاقوامی پانیوں میں تھا، جہاز پر موجود روسی عملے کی حفاظت اور ان کی روس واپسی یقینی بنائی جائے۔
Pages:
[1]