وینزویلا کی امریکی حملے میں 100 افراد کے ہلاک ہونے کی تصدیق
https://jang.com.pk/assets/uploads/updates/2026-01-08/1544869_7079911_gg_updates.jpgوزیر داخلہ_ ڈیوسڈاڈو کابیلووینزویلا نے پہلی بار سرکاری سطح پر امریکی حملے میں 100 افراد کے ہلاک ہونے کی تصدیق کردی۔
وینزویلا کے وزیر داخلہ ڈیوسڈاڈو کابیلو نے کہا کہ کراکس میں امریکا کی جانب سے صدر مادورو کو گرفتار کرنے کے دوران حملوں میں 100 افراد ہلاک اور درجنوں زخمی ہوئے۔
اپنے بیان میں انہوں نے کہا کہ ہمارے ملک پر امریکی حملہ بہت خوفناک تھا، صدر مادورو اور انکی اہلیہ سِیلیا فلوریس بھی امریکی حملے میں زخمی ہوئے۔ https://jang.com.pk/assets/uploads/updates/2026-01-06/1544327_030154_updates.jpg
وینزویلا کے صدر نکولس مادورو لنگڑاتے ہوئے عدالت پہنچے، ویڈیو وائرل
وینزویلا کے صدر نکولس مادورو کی گرفتاری کے بعد نیو یارک کی عدالت میں پیشی کی ویڈیوز سوشل میڈیا پر وائرل ہو رہی ہیں۔ https://jang.com.pk/assets/front/images/jang-icons/16x16.png
کابیلو نے کہا کہ امریکی کارروائی کے دوران صدر نکولس مادورو کی اہلیہ سِیلیا فلورس کو سر پر چوٹ آئی جبکہ صدر مادورو کو ٹانگ میں شدید چوٹ آئی۔ اِس وقت دونوں امریکی حراست میں ہیں۔
اِس اعلان سے قبل وینزویلا نے ہلاکتوں کی جامع تعداد فراہم نہیں کی تھی، غیرملکی میڈیا کا کہنا تھا کہ امریکی حملے میں وینزویلا کے 24 فوجی اہلکار اور وینزویلا میں کام کرنے والے کیوبا کے 32 اہلکار و پولیس افسران مارے گئے ہیں۔
اسی طرح امریکی حکام نے ایک اندازے کے مطابق بتایا تھا کہ وینزویلا میں فوجی کارروائی میں تقریباً 75 افراد ہلاک ہوئے ہیں۔
واضح رہے کہ 3 جنوری کو امریکی اسپیشل فورسز نے وینزویلا کے صدر نکولس مادورو کو کراکس میں رات کے وقت چھاپہ مار کر گرفتار کیا تھا۔
Pages:
[1]