بھارت: بہار میں حجاب و برقع پہننے والوں پر زیورات کی دکانوں کے دروازے بند
https://jang.com.pk/assets/uploads/updates/2026-01-08/1544893_6031901_8_updates.jpgفائل فوٹوبھارت میں اقلیتوں کے خلاف ایک اور متنازع اقدام سامنے آگیا، بہار میں حجاب و برقع پہننے والوں پر زیورات کی دکانوں کے دروازے بند کردیے گئے۔
بھارت میں اقلیتوں بالخصوص مسلمانوں کے خلاف امتیازی رویوں کا سلسلہ تھمنے کا نام نہیں لے رہا، بہار میں آل انڈیا جیولرز اینڈ گولڈ فیڈریشن （AIJGF） نے حجاب، برقع، نقاب اور ماسک پہننے والے افراد کے زیورات کی دکانوں میں داخلے پر پابندی کا اعلان کر دیا۔
فیڈریشن نے سیکیورٹی خدشات کا بہانہ بنا کر چہرہ ڈھانپنے والے افراد کو مشکوک ٹھہرانے کی کوشش کی گئی ہے۔
فیڈریشن کے بہار چیپٹر کے صدر اشوک کمار ورما کا کہنا ہے کہ چہرہ نظر نہ آنے کی صورت میں داخلہ نہیں دیا جائے گا۔ https://jang.com.pk/assets/uploads/updates/2026-01-07/1544668_093741_updates.jpg
مودی حکومت کا مسلمانوں کو جبر کا نشانہ بنانے کا سلسلہ جاری، املاک منہدم
بھارت میں مودی حکومت کا مسلمانوں کو جبر کا نشانہ بنانے کا سلسلہ جاری ہے۔https://jang.com.pk/assets/front/images/jang-icons/16x16.png
سیاسی مبصرین کا کہنا ہے کہ ایسے فیصلے بی جے پی اور آر ایس ایس کے اس ایجنڈے کا تسلسل ہیں جس کے تحت مسلمانوں کو معاشی، سماجی اور مذہبی طور پر دیوار سے لگایا جا رہا ہے۔ بھارت میں پہلے ہی مساجد، مدارس اور مذہبی علامات کو نشانہ بنایا جا رہا ہے اور اب روزمرہ زندگی میں بھی مذہبی لباس پر قدغن لگائی جا رہی ہے۔
یاد رہے کہ یہ پہلا واقعہ نہیں دسمبر 2025 میں وزیر اعلیٰ نتیش کمار کی جانب سے ایک مسلم خاتون ڈاکٹر کا حجاب سرعام ہٹانے کا واقعہ بھی سامنے آیا تھا، جس نے بھارت میں مسلمانوں کی عزت اور وقار پر سنگین سوالات کھڑے کر دیے تھے۔
Pages:
[1]