مسلم ممالک کی اسرائیلی وزیر خارجہ کے دورۂ صومالی لینڈ کی مذمت
https://jang.com.pk/assets/uploads/updates/2026-01-09/1545175_4042122_somalina_updates.jpgفائل فوٹومسلم ممالک کے وزرائے خارجہ نے اسرائیلی وزیر خارجہ کے متنازع صومالی لینڈ کے غیرقانونی دورے کی مذمت کرتے ہوئے صومالیہ سے یکجہتی کا اظہار کیا ہے۔
پاکستان، سعودی عرب، ترکیہ، ایران، قطر، عمان، مصر، لیبیا، یمن، انڈونیشیا اور صومالیہ، سمیت 22 اسلامی ملکوں کے وزرائے خارجہ اور او آئی سی نے مشترکہ بیان جاری کردیا۔
بیان کے مطابق 6 جنوری 2026 کو اسرائیلی وزیر خارجہ کا دورہ صومالیہ کی خودمختاری اور علاقائی سالمیت کی صریح خلاف ورزی ہے۔ https://jang.com.pk/assets/uploads/akhbar/2026-01-07/1544531_053714_updates.jpg
عالمی تنقید کے باوجود اسرائیلی وزیرِ خارجہ کا صومالی لینڈ کا دورہ
کراچی عالمی تنقید کے باوجوداسرائیلی وزیرِ خارجہ... https://jang.com.pk/assets/front/images/jang-icons/16x16.png
مشترکہ بیان میں کہا گیا کہ اسرائیل کی جانب سے صومالی لینڈ کو تسلیم کرنے کا فیصلہ ناقابل قبول ہے اور اس سے خطے میں عدم استحکام بڑھ سکتا ہے۔
واضح رہے کہ عالمی تنقید کے باوجود اسرائیلی وزیرِ خارجہ گیدون سار نے متنازع علاقے صومالی لینڈ کا دورہ کرکےخود ساختہ صدر عبد الرحمان سے ملاقاتکی تھی۔
خبر ایجنسی کے مطابق گیدون سار نے صدر اور دیگر سینئر عہدیداروں سے ہرجیسہ میں ملاقات کرکے مستقبل میں سفارت خانے کھولنے اور سفیروں کی تعیناتی پر بات چیت کی۔
Pages:
[1]