رباب ہاشم کے ہاں بیٹے کی پیدائش، انسٹاگرام پر خوشخبری سنا دی
https://jang.com.pk/assets/uploads/updates/2026-01-09/1545171_5424627_1_updates.jpgفائل فوٹوپاکستانی اداکارہ رباب ہاشم کے ہاں ننھے مہمان کی آمد ہوئی ہے، اداکارہ نے سوشل میڈیا پلیٹ فارم انسٹاگرام پر اپنے بیٹے کی پیدائش کا اعلان کرتے ہوئے خوشی کا اظہار کیا۔
8 جنوری کو اداکارہ نے انسٹاگرام پر تصاویر پر مشتمل ایک کیروسل شیئر کیا، جس میں پورا خاندان نومولود کے ساتھ خوشگوار موڈ میں نظر آ رہا ہے۔
رباب ہاشم نے پوسٹ کے کیپشن میں لکھا کہ ’ہیلو ورلڈ! ہماری خوشیاں دوبالا ہو گئی ہیں، ہم اپنے ننھے منے اورہان سہیب علی کو دنیا میں خوش آمدید کہتے ہیں، ماشاءاللّٰہ۔‘
انہوں نے مزید کہا کہ مائیشہ کو ایک ننھا سا نیا بہترین دوست مل گیا ہے اور ہم بے حد خوش، شکر گزار اور محبت سے لبریز ہیں۔ الحمدللّٰہ ہمیں اپنی دعاؤں میں یاد رکھیں اور سب کو محبت بھیجتے ہیں۔ https://jang.com.pk/assets/uploads/updates/2023-04-20/1217441_075739_updates.jpg
اداکارہ رباب ہاشم کے گھر ننھی پری کی آمد
پاکستان شوبز انڈسٹری کی معروف اداکارہ رباب ہاشم کے ہاں بیٹی کی پیدائش ہوئی ہے۔ https://jang.com.pk/assets/front/images/jang-icons/16x16.png
شیئر کی گئی تصاویر میں رباب ہاشم، ان کے شوہر سہیب علی، بیٹی مائیشہ اور ننھے بیٹے کو دیکھا جاسکتا ہے۔ اس موقع پر رباب، انکے شوہر اور بیٹی انتہائی خوش نظر آرہے ہیں۔
پوسٹ سامنے آتے ہی مداحوں اور شوبز شخصیات کی جانب سے مبارکبادوں کا سلسلہ شروع ہو گیا، اداکار علی عباس نے کمنٹ کرتے ہوئے لکھا، ’ماشاءاللہ! بہت بہت مبارک ہو۔‘
اداکار سمیع خان نے بھی نیک تمناؤں کا اظہار کرتے ہوئے لکھا کہ ’ماشاءاللّٰہ، مبارک ہو۔‘
واضح رہے کہ رباب ہاشم اور سہیب علی نے 27 نومبر 2021 کو شادی کی تھی جبکہ اپریل 2023 میں ان کے ہاں پہلی بیٹی مائیشہ کی پیدائش ہوئی تھی۔
Pages:
[1]