آئی ایم ایف پروگرام 2027 تک ہمارا پروگرام ہے، احسن اقبال
https://jang.com.pk/assets/uploads/updates/2026-01-09/1545185_1692191_ahsan_updates.jpgفائل فوٹووفاقی وزیر احسن اقبال نے کہا ہے کہ آئی ایم ایف پروگرام 2027 تک ہمارا پروگرام ہے۔
جیو نیوز کے پروگرام جیو پاکستان میں گفتگو کرتے ہوئے احسن اقبال نے کہا کہ 2022 میں جب ہم حکومت میں آئے تو فون کر کے ایل سی کھلوانی پڑتی تھی، اس وقت ہم اندرونی طور پر تقریباً ڈیفالٹ ہوچکے تھے۔
احسن اقبال نے کہا کہ یکم اپریل 2022 کو وزارت خزانہ نے ہاتھ کھڑے کردیے تھے، وزارت خزانہ نے کہا ترقیاتی بجٹ کی آخری سہ ماہی کی قسط جاری نہیں کریں گے، اس وقت ہم جہاں آگئے ہیں یہ حیرت انگیز ریکوری ہے۔
انہوں نے کہا کہ فچ، اسٹینڈرڈ اینڈ پور، موڈیز نے پاکستان کی ریٹنگ کو اپ گریڈ کیا، مہنگائی 38 فیصد کے حساب سے اوپر جارہی تھی، آج وہ 4 فیصد پر آگئی ہے۔ https://jang.com.pk/assets/uploads/updates/2026-01-08/1544996_095308_updates.jpg
ملکی زرمبادلہ ذخائر میں اضافہ ہوگیا
اسٹیٹ بینک کے ذخائر 14 کروڑ 6 لاکھ ڈالر اضافے سے 16 ارب 5 کروڑ ڈالر ہوگئے۔ https://jang.com.pk/assets/front/images/jang-icons/16x16.png
وفاقی وزیر نے کہا کہ لارج اسکیل مینوفیکچرنگ بڑھ رہی ہے، ہم تجارتی خسارے کو روکیں گے، سکھر حیدرآباد موٹر وےکی تعمیر شروع کی ہے، یہ 2028 تک مکمل ہو جائے گا۔
ان کا مزید کہنا تھا کہ بجٹ کے اندر ایکسپورٹ کی صلاحیت بڑھانے والے سیکٹرز پر ڈیوٹیز کو کم کیا، مشینیں ملک میں لانے کے لیے یہ اقدام کیا تاکہ ایکسپورٹ بڑھانے کی صلاحیت بڑھے۔
Pages:
[1]