عابدہ پروین کی وفات کی خبریں بے بنیاد، بیٹی کی تصدیق
https://jang.com.pk/assets/uploads/updates/2026-01-09/1545177_4828471_3_updates.jpgفائل فوٹومعروف صوفی گلوکارہ عابدہ پروین کی وفات سے متعلق سوشل میڈیا پر گردش کرنے والی خبریں جھوٹی اور بےبنیاد ہیں۔
اس بات کی تصدیق خود عابدہ پروین کی بیٹی نے کرتے ہوئے واضح کیا ہے کہ ان کی والدہ بالکل خیریت سے ہیں اور صحت مند ہیں۔
عابدہ پروین کی بیٹی نے صورتحال کی وضاحت کرتے ہوئے کہا کہ لیجنڈری گلوکارہ کے انتقال کی خبریں سراسر غلط ہیں۔
انہوں نے بتایا کہ لاہور کے علاقے دلگران چوک میں ایک خاتون کا انتقال ہوا تھا جس کا نام بھی عابدہ پروین تھا، جس کے باعث غلط فہمی پیدا ہوئی۔
انہوں نے کہا کہ یہ خبریں مکمل طور پر جھوٹی ہیں، میری والدہ کی وفات سے متعلق غلط اطلاعات پھیلا کر مداحوں کو گمراہ کیا جا رہا ہے۔ https://jang.com.pk/assets/uploads/updates/2025-01-25/1434731_122410_updates.jpg
عابدہ پروین کی طبیعت سے متلعق انکی ٹیم کا بیان سامنے آ گیا
پاکستانی معروف اداکارہ مایا علی نے قطر سے لیجنڈری گلوکارہ عابدہ پروین کے ساتھ یاد گار تصویر سوشل میڈیا پر شیئر کی تو، لیجنڈری گلوکارہ کو وہیل چیئر پر دیکھ کر مداحوں میں تشویش کی لہر دوڑ گئی۔ https://jang.com.pk/assets/front/images/jang-icons/16x16.png
عابدہ پروین کی بیٹی نے عوام سے اپیل کی کہ وہ صرف مستند اور قابلِ اعتماد ذرائع سے ہی معلومات حاصل کریں اور افواہوں پر یقین نہ کریں۔
ان جھوٹی خبروں کے باعث ملک بھر میں اور بیرونِ ملک موجود عابدہ پروین کے مداحوں میں شدید تشویش پائی گئی، خاندان نے عوام اور میڈیا سے درخواست کی کہ غیر مصدقہ اطلاعات پھیلانے سے گریز کریں اور فنکارہ اور ان کے اہلِ خانہ کی نجی زندگی کا احترام کریں۔
واضح رہے کہ عابدہ پروین کو پاکستان کی عظیم ترین صوفی گلوکاراؤں میں شمار کیا جاتا ہے اور ان کے مداح دنیا بھر میں موجود ہیں۔
Pages:
[1]