ایران: مہنگائی کے خلاف مظاہروں میں شدت، انٹرنیٹ بلیک آؤٹ
https://jang.com.pk/assets/uploads/updates/2026-01-09/1545172_5755924_%D9%85%D8%A8%D9%85%D8%AF_updates.jpg— فائل فوٹو
ایران میں انٹرنیٹ بندش کے باعث شہریوں کا بیرونی دنیا سے رابطہ منقطع ہو گیا۔
انٹرنیٹ کی نگرانی کرنے والے ادارے نیٹ بلاکس کے مطابق یہ بلیک آؤٹ ایسے وقت میں سامنے آیا جب ملک کے مختلف شہروں میں مہنگائی اور معاشی مشکلات کے خلاف احتجاجی مظاہرے دوبارہ شدت اختیار کر گئے ہیں۔
انٹرنیٹ بندش سے متعلق فوری طور پر مزید تفصیلات سامنے نہیں آ سکیں تاہم حالیہ احتجاجی مظاہروں کے دوران مظاہرین ایک بار پھر سڑکوں پر نکل آئے اور حکومت کے خلاف شدید نعرے بازی کی۔ https://jang.com.pk/assets/uploads/updates/2026-01-08/1544857_070434_updates.jpg
ایران: مظاہرین کی فائرنگ سے 2 سیکیورٹی اہلکار جاں بحق
ایران میں مہنگائی کیخلاف پرتشدد مظاہرے جاری ہیں، مظاہرین کی فائرنگ سے دو اہلکار جاں بحق اور تیس افراد زخمی ہوگئے۔ https://jang.com.pk/assets/front/images/jang-icons/16x16.png
غیر ملکی خبر رساں ادارے کے مطابق ایران کے دارالحکومت تہران سمیت ملک کے دیگر بڑے شہروں مشہد اور اصفہان میں جمعرات کے روز مظاہرین سڑکوں پر جمع ہوئے اور نعرے بازی کی۔
واضح رہے کہ ایران کے معزول بادشاہ کے جلا وطن بیٹے رضا پہلوی نے بدھ کے روز سوشل میڈیا پلیٹ فارم ایکس پر جاری ویڈیو پیغام میں عوام سے مزید احتجاج کی اپیل کی تھی، جس کے بعد ملک کے مختلف شہروں اور قصبوں میں مظاہرین نے پہلوی خاندان کے حق میں نعرے بلند کیے۔
دوسری جانب ایرانی سرکاری میڈیا نے دعویٰ کیا کہ ملک بھر کے شہر پُرامن ہیں اور حالات معمول کے مطابق ہیں۔
واضح رہے کہ ایران کو اس وقت بین الاقوامی دباؤ کا بھی سامنا ہے، امریکی صدر ڈونلڈ ٹرمپ نے خبردار کیا تھا کہ اگر ایرانی سیکیورٹی فورسز نے مظاہرین پر فائرنگ کی تو امریکا ان کی مدد کے لیے آگے آ سکتا ہے۔
Pages:
[1]