تمیم اقبال نے مستفیض الرحمٰن کو آئی پی ایل سے نکالنے کو افسوسناک قرار دے دیا
https://jang.com.pk/assets/uploads/updates/2026-01-09/1545192_2294890_kkk_updates.jpgفائل فوٹو
بنگلا دیش کے سابق کرکٹر تمیم اقبال نے مستفیض الرحمٰن کو بھارتی کرکٹ لیگ آئی پی ایل سے نکالنے کو افسوسناک قرار دے دیا۔
تمیم اقبال نے کہا کہ مستفیض الرحمٰن کو آئی پی ایل سے نکالنا افسوسناک ہے اور اسکا اثر بنگلادیش کی کرکٹ پر ہوگا۔
انہوں نے کہا کہ ورلڈکپ کے حوالے سے فیصلہ سوچ سمجھ کر کرنا چاہیے، فیصلے میں بنگلادیش کرکٹ کے دیرپا مفادات کو ترجیح دینی چاہیے۔ https://jang.com.pk/assets/uploads/updates/2026-01-07/1544666_092712_updates.jpg
بنگلادیش کا بھارت میں ٹی ٹوئنٹی ورلڈ کپ نہ کھیلنے کے حتمی فیصلے کا اعلان
بنگلا دیش نے بھارت میں ٹی ٹوئنٹی ورلڈ کپ نہ کھیلنے کا حتمی فیصلہ کرلیا۔ اسپورٹس ایڈوائزر ڈاکٹر آصف نذرل اور بنگلا دیش کرکٹ بورڈ کے صدر امین الاسلام نے بتایا کہ آئی سی سی کے خط کا جواب آج رات یا کل تک دیا جائے گا۔https://jang.com.pk/assets/front/images/jang-icons/16x16.png
تمیم اقبال کا کہنا تھا کہ ورلڈکپ کے حوالے سے پبلک میں بیانات نہیں دینے چاہئیں، جلدبازی میں فیصلوں سے گریز کرنا ہوگا۔
ان کا مزید کہنا تھا کہ آئی سی سی سے مشاورت اور فیصلہ کرنے کے بعد ہی کوئی بیان دینا چاہیے۔ اگر بعد میں فیصلہ تبدیل ہوکر ٹیم بھارت جاتی ہے تب پھر بورڈ کیسے جواب دے گا؟
سابق کرکٹر تمیم اقبال نے کہا کہ مذاکرات سے مسائل حل ہوتے ہیں، مذاکرات کا آغاز اور مسائل کا اندرونی طور پر حل نکالنا ہی بہترین طریقہ ہے۔
یاد رہے کہ بی سی بی اور بنگلادیشی حکومت نے سیکیورٹی خدشات کی وجہ سے ٹیم بھارت نہ بھیجنے کا اعلان کیا ہوا ہے۔
Pages:
[1]