ملک کو امریکی فوجی کارروائی کے حقیقی خطرے کا سامنا: صدر کولمبیا
https://jang.com.pk/assets/uploads/updates/2026-01-09/1545207_879580_jks_updates.jpg— اسکرین گریبکولمبیا کے صدر گستاوو پیٹرو نے کہا ہے کہ ملک کو امریکا کی جانب سے فوجی کارروائی کے حقیقی خطرے کا سامنا ہے۔
برطانوی نشریاتی ادارے سے گفتگو کرتے ہوئے انہوں نے کہا کہ امریکا دیگر ممالک کے ساتھ سامراجی رویہ اختیار کیے ہوئے ہے۔
صدر پیٹرو نے امریکی امیگریشن ادارے （آئی سی ای） کے اہلکاروں کو نازی بریگیڈز سے تشبیہ دیتے ہوئے کہا کہ وہ ناصرف تارکینِ وطن بلکہ امریکی شہریوں کے خلاف بھی خطرناک انداز میں کارروائیاں کر رہے ہیں۔ https://jang.com.pk/assets/uploads/updates/2026-01-05/1544098_082700_updates.jpg
ٹرمپ کی دھمکیاں: کولمبیا کے صدر دوبارہ ہتھیار اٹھانے کو تیار
ٹرمپ کی دھمکیوں پر ہتھیار اٹھائیں گے: کولمبیئن صدر https://jang.com.pk/assets/front/images/jang-icons/16x16.png
کولمبیا کے صدر نے خبردار کیا کہ اگر یہی طرز عمل رہا تو دنیا پر راج کرنے کے خواب دیکھنے والا امریکا خود دنیا سے الگ تھلگ ہوجائے گا۔
ان کا کہنا تھا کہ امریکا دہائیوں سے لاطینی امریکی ممالک کو اپنے سامراج کا حصہ سمجھتا آیا ہے۔
انہوں نے مزید کہا کہ وینزویلا پر امریکی حملے تیل اور کوئلے کے مفادات سے جڑے ہیں۔ اگر امریکا پیرس ماحولیاتی معاہدے سے دستبردار نہ ہوتا تو دنیا زیادہ پُرامن اور جمہوری ہوتی۔
گستاوو پیٹرو نے بتایا کہ انہوں نے وینزویلا کی قائم مقام صدر ڈیلسی روڈریگیز سے بھی بات کی ہے اور انہیں کولمبیا آنے کی دعوت دی ہے۔
امریکی صدر ٹرمپ اور گستاوپیٹرو کے درمیان ایک روز قبل ٹیلیفونک رابطہ ہوا تھا۔
Pages:
[1]