جمہوریت اسی وقت مضبوط ہوگی جب ہم چور دروازے سے اقتدار میں نہ آئیں: سہیل آفریدی
https://jang.com.pk/assets/uploads/updates/2026-01-10/1545488_619459_10_updates.jpg—فائل فوٹووزیر اعلیٰ خیبر پختونخوا سہیل آفریدی کا کہنا ہے کہ جمہوریت اسی وقت مضبوط ہوگی جب ہم چور دروازے سے اقتدار میں نہ آئیں۔
حیدرآباد روانگی سے قبل کراچی میں میڈیا سے گفتگو کرتے ہوئے سہیل آفریدی نے کہا کہ خیبر پختونخوا کے عوام نے تحریک انصاف کو تیسری بار مینڈیٹ دیا ہے جو پارٹی پر اعتماد کا مظہر ہے۔
انہوں نے کہا کہ باقی صوبوں میں جو جعلی مینڈیٹ کے ساتھ بیٹھے ہوئے ہیں ان کو کہوں گا کہ عوامی مینڈیٹ کی قدر کریں، چور دروازوں سے حکومتوں میں نہ بیٹھیں۔ https://jang.com.pk/assets/uploads/updates/2026-01-09/1545265_112058_updates.jpg
خیبر پختونخوا کے ساتھ سوتیلی ماں کا سلوک ہوتا ہے، سہیل آفریدی
وزیراعلیٰ خیبر پختونخوا نے کہا کہ پنجاب بھی گیا لیکن وہاں ہمارے ساتھ اچھا برتاؤ نہیں ہوا۔ https://jang.com.pk/assets/front/images/jang-icons/16x16.png
سہیل آفریدی کا کہنا تھا کہ مذاکرات اور مزاحمت کی کال کا مینڈیٹ محمود خان اچکزئی اور علامہ صاحب کو دیا گیا ہے۔ مذاکرات اور مزاحمت سے متعلق اچکزئی صاحب اور علامہ صاحب جیسا چاہیں فیصلہ کریں۔
وزیراعلیٰ خیبرپختونخوا نے کہا کہ مجھے اسٹریٹ موومنٹ کی تیاری کا میندیٹ دیا گیا ہے اور جلد یہ عروج پر ہوگی، ہماری سیاسی جدوجہد حقیقی آزادی کےلیے ہے، میں تنظیمی دوستوں سے ملنے آیا ہوں۔
ان کا کہنا تھا کہ ہم پاکستانی ہیں اور جو پاکستانی سندھ سے کے پی کے میں آتے ہیں وہ ان کا پاکستان ہے، خیبر پختونخوا سے جو پاکستانی سندھ آتے ہیں یہ ان کا ہی پاکستان ہے۔ روزگار کے مواقع پاکستان کے کسی کونے میں بھی ہوں تو ہر پاکستانی کو وہاں کام کرنے کا حق ہے۔
انہوں نے مزید کہا کہ خیبر پختونخوا کے شناختی کارڈ پر شہریوں کو یونیورسل ہیلتھ کیئر دے رہے ہیں۔
سہیل آفریدی کا یہ بھی کہنا تھا کہ خیبر پختونخوا کے شہریوں کو یونیورسل کارڈ سے متعلق اسپتالوں میں مسائل ہیں تو انہیں سنوں گا،اگر یہ مسائل حل طلب ہوئے تو وزیراعلیٰ سندھ کے سامنے رکھوں گا۔
Pages:
[1]