ایک دن آئے گا با حجاب بیٹی بھارتی وزیراعظم بنے گی، اسد الدین اویسی
https://jang.com.pk/assets/uploads/updates/2026-01-10/1545527_9929654_asad_uddin_updates.jpgاسد الدین اویسی : فائل فوٹوبھارتی سیاستدان آل انڈیا مجلس اتحاد المسلمین کے سربراہ اسد الدین اویسی کا کہنا ہے کہ میں اس دن کا خواب دیکھ رہا ہوں جب ایک حجاب پہنی بیٹی بھارت کی وزیراعظم بنے گی۔
مہاراشٹر کے شہر سولاپور میں جلسے سے خطاب کرتے ہوئے اسد الدین اویسی نے کہا کہ بھارت کے پہلے وزیر قانون بابا صاحب امبیڈکر کا آئین ہر بھارتی شہری کو وزیرِاعظم، وزیرِاعلیٰ یا میئر بننے کا حق دیتا ہے۔
اسد الدین اویسی کے بیان پر بھارتیہ جنتا پارٹی （بی جے پی） آگ بگولہ ہوگئی اور ان پر تنقید شروع کردی۔
بی جے پی نے ردِعمل دیتے ہوئے کہا کہ اویسی پہلے اپنی پارٹی میں کسی حجاب پہننے والی یا پس ماندہ مسلم خاتون کو صدر بنائیں۔ https://jang.com.pk/assets/uploads/updates/2025-10-09/1517944_102309_updates.jpg
چیف جسٹس پر جوتا پھینکنے والا راکیش کی جگہ اسد ہوتا تو آئی ایس آئی سے رابطے کا الزام لگ چکا ہوتا، اسد الدین
اسد الدین اویسی نے کہا کہ اگر چیف جسٹس پر جوتا پھینکنے والے کا نام راکیش کشور نہ ہوتا اور اسد ہوتا تو پولیس کیا کرتی؟ https://jang.com.pk/assets/front/images/jang-icons/16x16.png
بی جے پی نے کہا کہ آئین کسی کو نہیں روکتا، مگر اویسی کو عملی مثال پیش کرنی چاہیے۔
دوسری جانبآسام کے وزیرِاعلیٰ ہمنتا بسوا سرما نے کہا کہ اگرچہ آئین میں کوئی پابندی نہیں، مگر بھارت ایک ہندو تہذیب کا ملک ہے اور وزیرِاعظم ہندو ہی ہوگا۔
شیو سینا کی رہنما شائنا این سی نے بھی کہا کہ وزیرِاعظم کے عہدے پر اس وقت کوئی خالی جگہ نہیں اور قیادت کا معیار مذہب نہیں بلکہ کارکردگی ہونی چاہیے۔
اسد الدین اویسی نے اس موقع پر مسلمانوں کے خلاف نفرت پھیلانے والوں کو تنقید کا نشانہ بناتے ہوئے کہا کہ نفرت زیادہ دیر نہیں چلتی اور ایک دن محبت غالب آئے گی۔
Pages:
[1]