برطانیہ اور فرانس یورپ کو آگ میں دھکیلنا چاہتے ہیں، ہنگری
https://jang.com.pk/assets/uploads/updates/2026-01-11/1545730_931180_%D9%81%D9%81%D9%81_updates.jpgہنگری کے وزیر خارجہ پیٹر سیجارتو تقریب سے خطاب کررہے ہیں۔ہنگری کے وزیر خارجہ پیٹر سیجارتو نے کہا ہے کہ برطانیہ اور فرانس یورپ کو آگ میں دھکیلنا چاہتے ہیں۔
ایک تقریب سے خطاب میں پیٹر سیجارتو نے کہا کہ برطانیہ اور فرانس یوکرین میں اپنی فوجیں بھیجنے کے منصوبے سے پورے یورپ کو روس کے ساتھ جنگ میں گھسیٹنے کا خطرہ مول لے سکتے ہیں۔
ہنگری کے وزیر خارجہ کا کہنا تھا کہ یورپی رہنماؤں کا جنگی جنون ہنگری کو سب سے بڑے خطرے میں ڈال رہا ہے۔
انہوں نے مزید کہا کہ یورپی یونین کے رہنما ہنگری کے وزیر اعظم وکٹر اوربان کو اپنے منصوبوں کی راہ میں واحد رکاوٹ کے طور پر دیکھتی ہے اور آئندہ انتخابات میں ان کی جگہ یوکرین کے حامی رہنما کی کامیابی چاہتی ہے۔ https://jang.com.pk/assets/uploads/updates/2026-01-07/1544639_052246_updates.jpg
امن معاہدے کی صورت میں برطانیہ اور فرانس یوکرین میں فوج تعینات کریں گے
برطانیہ اور فرانس نے امن معاہدے کی صورت میں یوکرین میں فوج تعینات کرنے کا اعلان کیا ہے۔ پیرس میں یوکرین، برطانیہ اور فرانس کے درمیان معاہدے پر دستخط ہوگئے۔https://jang.com.pk/assets/front/images/jang-icons/16x16.png
انہوں نے کہا کہ اگر ہم الیکشن جیت گئے تو ہم جنگ سے باہر رہیں گے اور اگر ہم جیت نہیں پاتے تو یورپ کا نیا منصوبہ نافذ ہو جائے گا۔
واضح رہے کہ ہنگری نے روس کے ساتھ مزید کشیدگی کی مسلسل مخالفت کی ہے اور یورپی یونین اور برطانیہ پر زور دیا ہے کہ وہ سفارت کاری پر توجہ دیں۔
گزشتہ دنوں برطانوی وزیراعظم سر کیئر اسٹارمر اور فرانسیسی صدر ایمانوئل میکرون نے اعلان کیا کہ اگر روس اور یوکرین کے درمیان امن معاہدہ طے پا جاتا ہے تو دونوں ممالک یوکرین میں اپنی فوج تعینات کریں گے۔
بعد ازاں برطانیہ کے وزیر دفاع جان ہیلی نے کیف کے دورے کے دوران کہا تھا کہ لندن ایک ملٹی نیشنل فورس پر 270 ملین ڈالر خرچ کرے گا۔
Pages:
[1]