ویرات کوہلی کے بچپن سے مشابہت رکھنے والا بچہ سوشل میڈیا پر وائرل
https://jang.com.pk/assets/uploads/updates/2026-01-12/1546002_2980714_2_updates.jpgتصاویر:بھارتی میڈیابھارت کے اسٹار بیٹر ویرات کوہلی کے بچپن سے مشابہت رکھنے والا بچہ سوشل میڈیا پر وائرل ہوگیا۔
بھارت میں ون ڈے کرکٹ کا جوش و خروش عروج پر ہے، خاص طور پر اس لیے کہ یہ واحد بین الاقوامی فارمیٹ ہے جس میں اسٹار بلے باز ویرات کوہلی اور روہت شرما اب بھی متحرک ہیں۔
نیوزی لینڈ کے خلاف ون ڈے سیریز سے قبل وڈودرا میں شائقین کا جوش دیدنی تھا، ٹریننگ سیشن کے دوران ویرات کوہلی بچوں کو آٹوگراف دیتے نظر آئے، تاہم اس موقع کی تصاویر اور ویڈیوز سوشل میڈیا پر وائرل ہو گئیں۔ صارفین نے نوٹ کیا کہ آٹوگراف لینے والوں میں شامل ایک بچہ حیرت انگیز طور پر ویرات کوہلی کے بچپن سے مشابہت رکھتا ہے۔
یہ منظر شائقین کے لیے کسی پرجوش لمحے سے کم نہ تھا، جب ایک ننھا مداح ویرات کوہلی کے پاس آٹوگراف کے لیے پہنچا، سوشل میڈیا پر مداحوں نے اس بچے کو منی کوہلی کا نام دے دیا اور اسے گلچ اِن دی میٹرکس قرار دیا۔ https://jang.com.pk/assets/uploads/akhbar/2026-01-12/1545839_060849_updates.jpg
رنز مشین کوہلی نے ایک اور تاریخی سنگ میل عبور کرلیا
ودودارا بھارتی بیٹنگ اسٹار ویرات کوہلی نے ایک اور... https://jang.com.pk/assets/front/images/jang-icons/16x16.png
مداحوں نے ویرات کوہلی کے بچپن کی تصاویر کے ساتھ اس بچے کی تصاویر کا موازنہ کرتے ہوئے کہا کہ چہرے کے خدوخال اور بالوں کا اسٹائل حیران کن حد تک ایک جیسے ہیں۔
ایکس （سابقہ ٹوئٹر） پر صارفین نے دلچسپ تبصرے کیے، ایک مداح نے مذاق میں لکھا، ’یہ کوہلی تو نہیں؟‘ جبکہ دوسرے نے کہا، ’انیس بیس کا بھی فرق نہیں‘، ایک اور صارف نے تبصرہ کیا کہ ’ایسا لگتا ہے جیسے ٹائم ٹریول کر کے اصل ویرات خود اپنا آٹوگراف لینے آ گئے ہوں۔‘
Pages:
[1]