سچن ٹنڈولکر کے ریکارڈز کے پیچھے نہیں: ویرات کوہلی
https://jang.com.pk/assets/uploads/updates/2026-01-12/1546009_3171481_News3_updates.jpg---فائل فوٹو
بھارتی بلے باز ویرات کوہلی نے کہا ہے کہ وہ نیوزی لینڈ کے خلاف پہلے ون ڈے میچ کے دوران سچن ٹنڈولکر کے ریکارڈز سے متعلق بالکل نہیں سوچ رہے تھے، ان کی نظر ریکارڈز پر نہیں بلکہ صرف اپنی پرفارمنس پر ہوتی ہے۔
ویرات کوہلی نے نیوزی لینڈ کے خلاف پہلے ون ڈے میچ میں 93 رنز بنا کر ٹیم کو چار وکٹوں سے فتح دلوائی تھی اور میچ کے بہترین کھلاڑی قرار پائے تھے۔
میچ کے بعد میڈیا سے گفتگو کے دوران اپنی پرفارمنس اور سچن ٹنڈولکر کے ریکارڈز سے متعلق بات کرتے ہوئے ویرات کوہلی نے کہا کہ اگر میں پوری ایمانداری سے بتاؤں تو میں اس وقت کسی بھی ریکارڈ کے بارے میں نہیں سوچ رہا تھا، میں خود کو خوش نصیب سمجھتا ہوں اور خدا کا شکر ادا کرتا ہوں۔ https://jang.com.pk/assets/uploads/akhbar/2026-01-12/1545839_060849_updates.jpg
رنز مشین کوہلی نے ایک اور تاریخی سنگ میل عبور کرلیا
ودودارا بھارتی بیٹنگ اسٹار ویرات کوہلی نے ایک اور... https://jang.com.pk/assets/front/images/jang-icons/16x16.png
اِن کا کہنا تھا کہ میری بیٹنگ کا انداز اب بدل چکا ہے اور اب میں تیسرے نمبر پر کھیلتا ہوں تاکہ حریف ٹیم پر دباؤ ڈالنے کی کوشش میچ کے آغاز سے ہی کی جا سکے۔
ویرات کوہلی نے مزید کہا کہ زیادہ دیر تک انتظار کرنے کے بجائے وہ ابتدائی گیندوں میں ہی اعتماد کے ساتھ کھیلتے ہیں تاکہ مخالف ٹیم بیک فٹ پر چلی جائے، اگر نیوزی لینڈ کے خلاف ہم پہلے بیٹنگ کر رہے ہوتے تو شاید وہ اور جارحانہ انداز میں کھیلتے لیکن چونکہ ہدف سامنے تھا اس لیے انہوں نے صورتحال کے مطابق بیٹنگ کی۔
اِن کا کہنا تھا کہ وہ اپنے کرکٹ کے سفر کو ایک خواب کی تعبیر سمجھتے ہیں اور اس بات پر فخر محسوس کرتے ہیں کہ وہ کھیل کے ذریعے لوگوں کو خوشیاں دے رہے ہیں۔ https://jang.com.pk/assets/uploads/updates/2025-12-24/1540638_115633_updates.jpg
کوہلی نے ٹنڈولکر کا ایک اور ریکارڈ اپنے نام کرلیا
بھارت کے اسٹار بیٹر ویرات کوہلی نے سابق لیجنڈی بیٹر سچن ٹنڈولکر کا ایک اور ورلڈ ریکار اپنے نام کرلیا ہے۔ https://jang.com.pk/assets/front/images/jang-icons/16x16.png
واضح رہے کہ 37 سالہ ویرات کوہلی تیز ترین 28 ہزار بین الاقوامی رنز بنانے والے کھلاڑی بن گئے ہیں اور اس فہرست میں سچن ٹنڈولکر کے بعد وہ دوسرے نمبر پر آ گئے ہیں۔
ویرات کوہلی نے یہ سنگِ میل 624 اننگز میں حاصل کیا ہے جبکہ ٹنڈولکر نے 644 اننگز میں یہ کارنامہ انجام دیا تھا۔
Pages:
[1]