بی پی ایل: محمد نبی اور ان کے بیٹے حسن عیسیٰ خیل نے ایک ہی ٹیم کیلئے کھیل کر تاریخ رقم کردی
https://jang.com.pk/assets/uploads/updates/2026-01-12/1546073_8020337_News10_updates.jpgفوٹو بشکریہ بین الاقوامی میڈیا
بنگلادیش پریمیئر لیگ میں افغانستان کے محمد نبی اور ان کے بیٹے حسن عیسیٰ خیل نے ایک ہی ٹیم کے لیے کھیل کر ٹی ٹوئنٹی کرکٹ میں نئی تاریخ رقم کر دی ہے۔
بی پی ایل میں نوکھالی ایکسپریس سے افغانستان کے محمد نبی کھیل رہے ہیں، محمد نبی کے بیٹے حسن عیسیٰ خیل بھی نوکھالی ایکسپریس کے لیے اپنے والد کے ساتھ کھیل رہے ہیں۔
محمد نبی اور حسن عیسیٰ خیل نے ٹی ٹوئنٹی کرکٹ کی تاریخ میں ایک ٹیم سے کھیلنے والے باپ بیٹے کی پہلی جوڑی ہونے کا اعزاز اپنے نام کر لیا ہے۔
حسن عیسیٰ خیل نے والد کے ساتھ چوتھی وکٹ کے لیے 53 رنز کی پارٹنرشپ قائم کی، 19 سالہ حسن عیسیٰ خیل نے 60 گیندوں پر 92 رنز بنائے۔
محمد نبی کا کہنا ہے کہ اپنے بیٹے کے ساتھ کھیلنے پر کافی خوش ہوں، بیٹے کے ساتھ کھیلنے کے لیے کافی عرصے سے انتظار کر رہا تھا، بیٹے کو پروفیشنل کرکٹر بنایا اور اور ڈیبیو پر اچھی پرفارمنس دکھائی۔
محمد نبی نے کہا ہے کہ میچ سے ایک دن قبل 90 منٹ تیاری کی، بیٹےکو بتاتا رہا کس طرح کے بولز کا سامنا کرنا پڑے گا۔
دوسری جانب حسن عیسیٰ خیل کا کہنا تھا کہ ہم اچھے دوست ہیں، والد سخت مزاج نہیں، ٹریننگ میں سختی کرتے ہیں، افغانستان نیشنل ٹیم کی جانب سے کھیلنا میرا خواب ہے۔
واضح رہے کہ گزشتہ میچ میں نوکھالی ایکسپریس نے ڈھاکا کیپیٹلز کو 41 رنز سے شکست دی تھی۔
Pages:
[1]