حکومت کیساتھ ہمارے اعتماد کا یہ حال ہے کہ بغیر دستخط کے آرڈیننس جاری کرتے ہیں: آغا رفیع اللّٰہ
https://jang.com.pk/assets/uploads/updates/2026-01-13/1546368_6679200_09_updates.jpg—فائل فوٹوپاکستان پیپلز پارٹی کے رکن قومی اسمبلی آغا رفیع اللّٰہ نے کہا ہے کہ اس وقت حکومت کے ساتھ ہمارے اعتماد کا یہ حال ہے کہ بغیر دستخط کے آرڈیننس جاری کرتے ہیں۔
قومی اسمبلی کے اسپیکر ایاز صادق کی زیر صدارت اجلاس میں گفتگو کرتے ہوئے آغا رفیع اللّٰہ نے کہا کہ ہمیں آپ کے طریقہ واردات کا بھی پتہ ہے۔
انہوں نے کہا کہ اگر حکومت سنجیدہ ہے تو سکھر حیدرآباد سمیت پورے ملک کے منصوبوں پر وفاقی وزیر یہاں آکر بیان دیں۔
پیپلز پارٹی کے رہنما نوید قمر نے ایوان میں مالی واجبات کی خلاف ورزی سے متعلق توجہ دلاؤ نوٹس پیش کر دیا، نوٹس قومی تزویراتی منصوبوں سے وسائل کی منتقلی کےذریعے 467 ارب روپے سے متعلق ہے۔ https://jang.com.pk/assets/uploads/updates/2025-12-19/1538999_102420_updates.jpg
51 ہزار بھکاریوں کو ڈی پورٹ کرنے کی بات درست نہیں: سید آغا رفیع اللّٰہ
چیئرمین قائمہ کمیٹی قومی اسمبلی سید آغا رفیع اللّٰہ نے کہا ہے کہ محنت مزدوری کے لیے باہر جانے والوں کو آف لوڈ کرنے پر تشویش ہے،51 ہزار بھکاریوں کو ڈی پورٹ کرنے کی بات درست نہیں۔ https://jang.com.pk/assets/front/images/jang-icons/16x16.png
اجلاس کے دوران گفتگو کرتے ہوئے شرمیلا فاروقی نے کہا کہ اس فلور پر بڑی باتیں کی گئیں مگر حقائق مختلف ہیں، اس منصوبے کے لیے پی ایس ڈی پی میں 465 ارب روپے پیش کیے گئے، یہ منصوبہ ایکنک میں جانے کے لیے کیوں سفارش کیا گیا؟
وزیر مملکت ارمغان سبحانی نے کہا کہ ایک آنہ بھی پی ایس ڈی پی کا اس منصوبے میں خرچ نہیں کیا گیا، یہ پی ایس ڈی پی کا حصہ ہے، یہ سی ڈی پی ڈبلیو میں ایکنک کے لیے سفارش کیا گیا۔ ہاؤس میں بیٹھی تمام جماعتیں اقتدار میں رہی ہیں، انشاء اللّٰہ کراچی، حیدرآباد، سکھر موٹر وے بنے گی۔
اسپیکر ایاز صادق نے کہا کہ مجھے یہ پتہ ہے کہ سکھر سے حیدرآباد والے منصوبے میں دلچسپی رکھتے ہیں، میرے سامنے وہ اس بارے میں بات کر چکے ہیں۔
اس موقع پر گفتگو کرتے ہوئے اسد قیصر نے کہا کہ ملٹری کورٹس میں ترمیم کا بل ایوان میں پیش کیا تھا، اس بل کا پتہ نہیں چل رہا کہ کدھر گیا ہے۔
نور عالم نے کہا کہ نادرا کی طرف سے میرا شناختی کارڈ معطل نہیں منسوخ کر دیا گیا، ایس این جی پی ایل نے میرے بارے میں خط لکھ دیا انہوں نے میرا کارڈ منسوخ کردیا۔
انہوں نے کہا کہ اس کے باعث کریڈٹ کارڈ بلاک اور اکاؤنٹس منجمند کر دیے گئے، جس گھر کا میٹر تھا وہ گھر میری ملکیت ہی نہیں تھا۔
جس پر اسپیکر نے نور عالم کو ہدایت کی کہ مجھے لکھ کر دیں اس پر میں بات کرتا ہوں۔
Pages:
[1]