سائنسدانوں نے کم کیلوریز کیساتھ انسولین نہ بڑھانے والی قدرتی شکر تیار کرلی
https://jang.com.pk/assets/uploads/updates/2026-01-17/1547669_8152437_News2_updates.jpg---فائل فوٹو
سائنسدانوں نے ایک نئی قسم کی قدرتی شکر تیار کرنے کا مؤثر طریقہ دریافت کر لیا ہے جو کم کیلوریز ہونے کے ساتھ ساتھ انسولین کی سطح میں تیزی سے اضافہ نہیں کرتی اور عام چینی جیسا ہی ذائقہ رکھتی ہے۔
یہ تحقیق امریکی یونیورسٹی ٹفٹس کے سائنسدانوں نے بائیوٹیک کمپنیوں کے اشتراک سے کی ہے۔ تحقیق کے نتائج سائنسی جریدے سیل رپورٹ فیزیکل سائنس （Cell Reports Physical Science） میں شائع ہوئے ہیں۔
نئی قسم کی شکر ٹاگاٹوز （Tagatose） کہلاتی ہے جو عام چینی کے مقابلے میں تقریباً 92 فیصد مٹھاس رکھتی ہے مگر اس میں کیلوریز صرف ایک تہائی ہیں۔
ماہرین کے مطابق یہ شکر خون میں گلوکوز کی سطح کو زیادہ نہیں بڑھاتی جس کی وجہ سے یہ ذیابیطس اور انسولین سینسیٹیویٹی کے شکار افراد کے لیے ایک بہتر متبادل بن سکتی ہے۔
ٹاگاٹوز قدرتی طور پر پھلوں اور دودھ میں بہت کم مقدار میں پایا جاتا ہے جس کے باعث اس کی کمرشل پیداوار محدود ہے تاہم سائنس دانوں نے ای کولی （E. coli） بیکٹیریا کو جینیاتی طور پر تبدیل کر کے انہیں ننھی فیکٹریوں میں بدل دیا ہے جو گلوکوز کو انتہائی مؤثر انداز میں ٹاگاٹوز میں تبدیل کرتے ہیں۔https://jang.com.pk/assets/uploads/updates/2026-01-15/1546990_092407_updates.jpg
دانتوں کی صحت پر منحصر ہے کہ آپ کتنی دیر زندہ رہیں گے: تحقیق
جاپان میں کی گئی ایک تحقیق میں انکشاف ہوا ہے کہ انسان کے دانتوں کی صحت اس کی عمر کے بارے میں اہم اشارے دے سکتی ہے۔ https://jang.com.pk/assets/front/images/jang-icons/16x16.png
اس طریقے سے 95 فیصد تک پیداوار حاصل کی گئی ہے جو موجودہ طریقوں سے کہیں زیادہ ہے۔
ماہرین کے مطابق ٹاگاٹوز دانتوں کے لیے بھی محفوظ ہے، نقصان دہ بیکٹیریا کی افزائش کم کرتی ہے اور بیکنگ میں بھی استعمال کی جا سکتی ہے۔
سائنسدانوں کا کہنا ہے کہ مزید بہتری کے بعد یہ طریقہ صحت بخش شکر کے وسیع استعمال کی راہ ہموار کر سکتا ہے۔
Pages:
[1]