دنیا کی تاریخ میں پہلی بار ارب پتی شخصیات کی تعداد 3 ہزار سے متجاوز: آکسفیم رپورٹ
https://jang.com.pk/assets/uploads/updates/2026-01-19/1548266_5075615_News3_updates.jpg---فائل فوٹوعالمی فلاحی ادارے آکسفیم کی تازہ رپورٹ میں انکشاف کیا گیا ہے کہ دنیا کے 12 امیر ترین افراد کے پاس چار ارب سے زائد لوگوں، یعنی دنیا کی غریب ترین نصف آبادی سے زیادہ دولت موجود ہے۔
آکسفیم کی جانب سے جاری کی گئی رپورٹ میں بتایا گیا کہ ارب پتیوں کی مجموعی دولت 2025ء میں ریکارڈ سطح پر پہنچ گئی ہے۔
رپورٹ کے مطابق دنیا میں پہلی بار ارب پتی افراد کی تعداد 3 ہزار سے تجاوز کر گئی ہے۔ ان میں سرِفہرست ٹیسلا اور اسپیس ایکس کے سربراہ ایلون مسک ہیں۔
رپورٹ میں کہا گیا کہ ارب پتیوں کی مجموعی دولت میں 16.2 فیصد اضافہ ہوا اور یہ 18.3 ٹریلین ڈالر تک پہنچ گئی ہے۔ https://jang.com.pk/assets/uploads/akhbar/2025-10-02/1515562_045041_updates.jpg
دنیا کے 10 امیر ترین افراد کی مجموعی دولت 2.3 ٹریلین ڈالر سے متجاوز
نیویارک عالمی جریدے فوربز نے یکم اکتوبر 2025 تک کی ارب... https://jang.com.pk/assets/front/images/jang-icons/16x16.png
رپورٹ میں امریکی صدر ڈونلڈ ٹرمپ کی پالیسیوں کو بھی تنقید کا نشانہ بنایا گیا ہے جن میں ضابطوں میں نرمی اور کارپوریٹ ٹیکس سے متعلق عالمی معاہدوں کو کمزور کرنا شامل ہے۔
آکسفیم کے مطابق ان اقدامات سے دنیا بھر کے امیر ترین افراد کو فائدہ پہنچا ہے۔
رپورٹ میں خبردار کیا گیا کہ بڑھتی ہوئی معاشی ناہمواری خطرناک سیاسی نتائج کو جنم دے رہی ہے کیونکہ دولت کے ذریعے سیاسی طاقت حاصل کی جا رہی ہے۔
رپورٹ میں امیر کاروباری شخصیات کی جانب سے میڈیا اداروں کی خریداری کا حوالہ بھی دیا گیا ہے۔
آکسفیم کے ایگزیکٹو ڈائریکٹر امیتابھ بیہر کا اپنی رائے میں کہنا ہے کہ ’امیر اور غریب کے درمیان بڑھتا ہوا فرق سیاسی آزادیوں کو کمزور اور عوامی حقوق کو نقصان پہنچا رہا ہے۔‘
Pages:
[1]