پشاور ہائیکورٹ میں فاریسٹ آفیسر کی بریت کے خلاف نیب کی اپیل خارج
https://jang.com.pk/assets/uploads/updates/2026-02-11/1555526_7120670_Peshawar-high-court_updates.jpgپشاور ہائیکورٹ میں محکمہ جنگلات کے افسر کے بری ہونے کے خلاف نیب کی اپیل پر سماعت ہوئی۔ جسٹس سید ارشد علی اور جسٹس محمد فہیم ولی نے اپیل کی سماعت کی۔ عدالت نے فاریسٹ آفیسر کی بریت کے خلاف نیب کی اپیل خارج کر دی۔
فاریسٹ آفیسر کے وکیل دانیال چمکنی ایڈووکیٹ اور نیب اسپیشل پراسیکیوٹر عدالت میں پیش ہوئے۔
ملزم کے وکیل نے کہا کہ اپیل کنندہ کاغان کے علاقے ٹل صحت خیل کا چیئرمین تھا، اپیل کنندہ کے خلاف نیب نے درختوں کی کٹائی پر ریفرنس دائر کیا۔
ملزم کے وکیل نے مزید کہا کہ احتساب عدالت نے 2011 میں ملزم کو بری کیا تھا، نیب نے ملزم پر الزامات لگائے، جس میں کوئی صداقت نہیں۔
نیب اسپیشل پراسیکیوٹر نے کہا کاغان میں درختوں کی زیادہ کٹائی ہوئی ہے، درختوں کی کٹائی میں 5 کروڑ روپےکی خورد برد ہوئی ہے۔ عدالت نے فریقین کے دلائل سننے کے بعد نیب کی اپیل خارج کر دی۔
Pages:
[1]