بانی کی بینائی متاثر ہوئی تو اس کا ذمے دار کون ہو گا؟ محمود خان اچکزئی
https://jang.com.pk/assets/uploads/updates/2026-02-13/1556145_7522653_14_updates.jpgمحمود خان اچکزئی---فائل فوٹواپوزیشن لیڈر محمود خان اچکزئی نے بانئ پی ٹی آئی کے علاج کا مطالبہ کر دیا۔
پارلیمنٹ ہاؤس کے باہر میڈیا سے گفتگو کرتے ہوئے انہوں نے کہا کہ آج کے احتجاج میں کسی کو گالی دی جائے گی نہ ہی کوئی پتھر اٹھایا جائے گا، احتجاج مکمل طور پر پُرامن ہو گا۔
اپوزیشن لیڈر نے کہا کہ آج کا احتجاج بانئ پی ٹی آئی کی صحت سے متعلق ہے اور ہمارا مطالبہ ہے کہ بانی کا فوری علاج کرایا جائے، علاج کرانا بانئ پی ٹی آئی کا بنیادی حق ہے۔
محمود خان اچکزئی کا کہنا ہے کہ گھر والوں اور انسانی ہمدردی کی بنیاد پر یہ مطالبہ کیا جا رہا ہے کہ بانی کا معائنہ ان کے ذاتی معالج سے کرایا جائے۔ https://jang.com.pk/assets/uploads/updates/2026-01-16/1547382_125428_updates.jpg
محمود خان اچکزئی قومی اسمبلی میں اپوزیشن لیڈر بن گئے، نوٹیفکیشن جاری
اس سلسلے میں اسپیکر قومی اسمبلی نے اپوزیشن لیڈر کی تقرری کا نوٹیفکیشن جاری کر دیا۔ https://jang.com.pk/assets/front/images/jang-icons/16x16.png
انہوں نے کہا کہ جیل کے ڈاکٹروں کی غفلت کے باعث بانی کی بینائی کو بھی خطرہ لاحق ہو سکتا ہے۔
اپوزیشن لیڈر نے مزید کہا کہ بانی کی بیماری کو نظر انداز کیا جا رہا ہے اور اگر انہیں علاج کے لیے اسپتال منتقل کیا جاتا ہے تو اس میں کیا حرج ہے، اگر خدانخواستہ ان کی بینائی متاثر ہوتی ہے تو اس کا ذمے دار کون ہو گا؟
محمود خان اچکزئی نے یہ بھی کہا کہ پارلیمنٹ آنے والی تمام سڑکیں بند ہیں، تاہم ہم پُرامن احتجاج کے وعدے پر قائم ہیں اور اپنے مطالبات کی منظوری تک دھرنا جاری رکھیں گے۔
Pages:
[1]