بچے کی پیدائش پر والد کو چھٹی نہ دینے پر اسٹیٹ بینک پر 5 لاکھ روپے کا جرمانہ
https://jang.com.pk/assets/uploads/updates/2026-02-16/1557025_7605321_10_updates.jpg—فائل فوٹو
وفاقی محتسب برائے انسدادِ ہراسیت نے بینک افسر کو بچے کی پیدائش پر چھٹی نہ دینے پر اسٹیٹ بینک پر 5 لاکھ روپے کا جرمانہ عائد کر دیا۔
30 دن پیٹرنٹی رخصت نہ دینے پر وفاقی محتسب برائے انسدادِ ہراسیت فوزیہ وقار نے حکم دیا ہے کہ اسٹیٹ بینک جرمانے کی رقم میں سے 4 لاکھ شکایت گزار افسر سید باسط علی کو ادا کرے۔
وفاقی محتسب برائے انسداد ہراسیت نے مکمل تنخواہ کے ساتھ 30 دن کی پیٹرنٹی رخصت دینے کا بھی حکم دیا ہے۔ https://jang.com.pk/assets/uploads/updates/2023-05-16/1226485_033542_updates.jpg
بچے کی پیدائش پر والدین کی چھٹی کا بل منظور
پارلیمنٹ کے مشترکہ اجلاس میں بچے کی پیدائش پر ماں اور باپ کے لیے چھٹی کا بل منظور کر لیا گیا۔ https://jang.com.pk/assets/front/images/jang-icons/16x16.png
اسٹیٹ بینک کو میٹرنٹی اور پیٹرنٹی رخصت ایکٹ 2023ء کے تحت پالیسی بنانے کی ہدایت کی گئی ہے۔
فوسپاہ کا کہنا ہے کہ پیٹرنٹی رخصت سے انکار صنفی بنیاد پر ہراسمنٹ کے مترادف ہے، میٹرنٹی رخصت دینا اور پیٹرنٹی رخصت سے انکار صنفی امتیاز ہے۔
وفاقی محتسب برائے انسدادِ ہراسیت نے کہا ہے کہ بچوں کی دیکھ بھال صرف خواتین کی ذمے داری نہیں، رخصت سے انکار والدین کی مشترکہ ذمے داری اور بچے کے مفاد کو نقصان پہنچانے کے مترادف ہے۔
واضح رہے کہ بینک نے متعلقہ پالیسی موجود نہ ہونے کا کہہ کر سید باسط علی کی رخصت کی درخواست مسترد کر دی تھی۔
Pages:
[1]