حکمران جماعت اپنے ہی لوگوں کو تکلیف دے رہی ہے، پشاور ہائیکورٹ
https://jang.com.pk/assets/uploads/updates/2026-02-17/1557511_7839343_PHC_updates.jpgفائل فوٹوپشاور ہائی کورٹ نے انسپکٹر جنرل （آئی جی） پولیس اور چیف سیکریٹری خیبر پختونخوا کو فوری طور پر سڑکیں کھلوانے کا حکم دے دیا۔
سڑکوں کی بندش سے متعلق سماعت جسٹس اعجاز انور نے کی اور کہا کہ چوتھا روز ہے، سڑکیں بند ہیں، صوبے کے عوام کو شدید مشکلات ہیں۔
انہوں نے کہا کہ لوگ جان سے جا رہے ہیں، حکمران جماعت اپنے ہی صوبے کے لوگوں کو تکلیف دے رہی ہے، آج ہی سڑکیں کھولیں۔ https://jang.com.pk/assets/uploads/updates/2026-02-16/1557096_114740_updates.jpg
ہمارے مینڈیٹ پر قابض ہوکر یہ ہمیں جمہوریت سکھا رہے ہیں، شفیع جان
خیبرپختونخوا حکومت کے ترجمان شفیع جان نے کہا ہے کہ ہمارے مینڈیٹ پر قابض ہوکر یہ ہمیں جمہوریت سکھا رہے ہیں۔ https://jang.com.pk/assets/front/images/jang-icons/16x16.png
جسٹس اعجاز انور نے مزید کہا کہ پشاور سے کوئی باہر نہیں جاسکتا، کل ان کے بچے نکلے اور واپس آگئے کہ سڑکیں بند ہیں، صوبے میں دہشت گردی ہے، لوگوں پر رحم کریں۔
ایڈووکیٹ جنرل خیبر پختونخوا نے کہا کہ ایم پی ایز اسلام آباد سپریم کورٹ کا حکم منوانے گئے ہیں، کسی غلط چیز کو ڈیفنڈ نہیں کر رہے ہیں۔
جسٹس اعجاز انور نے کہا کہ آپ بطور ایڈووکیٹ جنرل احتجاج کی حمایت کرتے ٹھیک نہیں لگتے، پارٹی کو چھوڑیں، پشاور کے شہری بنیں۔
آئی جی اور چیف سیکریٹری نے کہا کہ انہیں 2 دن دیں، وہ رپورٹ جمع کراتے ہیں۔
جسٹس اعجاز انور نے کہا کہ 2 دن نہیں، آج سے سڑکیں کھولیں، یقینی بنائیں کہ کسی صورت موٹر وے بند نہیں کرنے دیں گے، آج کے بعد کوئی بھی سڑک بالخصوص پشاور میں بند نہیں ہونی چاہیے۔
آئی جی پولیس کی عدالت کو آج ہی سڑکیں کھلوانے کی یقین دہانی کے بعد سماعت ملتوی کردی گئی۔
Pages:
[1]