طالبان حکومت کی کابل، پکتیا اور قندھار پر بمباری کی تصدیق
https://jang.com.pk/assets/uploads/updates/2026-02-27/1560406_6989009_pak-attack-afg1_updates.jpgفوٹو: رائٹرز
طالبان حکومت کے ترجمان نے کابل، پکتیا اور قندھار پر بم باری کی تصدیق کی ہے۔
افغان میڈیا کے مطابق رات تقریباً 1 بج کر 50 منٹ پر کابل میں طالبان کے ایک فوجی مرکز کو فضائی حملے میں نشانہ بنایا گیا۔
صوبے پکتیا میں طالبان منصوری کور پر 2 مرتبہ بم باری کی گئی۔
یہ بھی پڑھیے
[*] پاک فضائیہ کے حملے: کابل، قندھار اور پکتیا میں ملٹری تنصیبات تباہ
[*] آپریشن غضب للحق: پاک فضائیہ، آرمی کے حملے، 133 افغان طالبان ہلاک، 200 سے زائد زخمی
رات 12 بجے کے بعد قندھار میں پاکستانی طیارہ پرواز کرتا ہوا دیکھا گیا۔
اس سے قبل سیکیورٹی ذرائع نے بتایا تھا کہ پاک فضائیہ نے مؤثر کارروائی کرتے ہوئے کابل، قندھار اور پکتیا میں اہم ملٹری تنصیبات تباہ کر دیں۔
سیکیورٹی ذرائع کے مطابق فضائی کارروائیوں کے دوران کابل میں 2 بریگیڈ ہیڈ کوارٹرز تباہ ہو گئے۔
سیکیورٹی ذرائع کا کہنا تھا کہ قندھار میں ایک کور ہیڈ کوارٹر، ایک بریگیڈ ہیڈ کوارٹر، ایمونیشن ڈیپو اور لاجسٹک بیس تباہ کر دی گئی ہے۔
سیکیورٹی ذرائع کا یہ بھی کہنا تھا کہ پکتیا میں بھی کور ہیڈ کوارٹر کو تباہ کر دیا گیا ہے۔
Pages:
[1]