چاند گرہن کے باعث بھارتی ٹیم کی پریکٹس مؤخر: T20 ورلڈکپ کے سیمی فائنل سے قبل انوکھا فیصلہ
https://jang.com.pk/assets/uploads/updates/2026-03-04/1561834_6119107_News3_updates.jpg---فائل فوٹوز
آئی سی سی مینز ٹی 20 ورلڈ کپ 2026ء کے سیمی فائنل سے قبل بھارتی کرکٹ ٹیم نے چاند گرہن کے باعث اپنی پریکٹس 1 گھنٹہ تاخیر سے شروع کی جس کی وجہ ٹیم کے بعض ارکان کی جانب سے اسے نحوست سے جوڑنا بتایا گیا ہے۔
بھارت اور انگلینڈ کے درمیان اہم سیمی فائنل جمعرات کو ممبئی کے وانکھیڑے اسٹیڈیم میں کھیلا جائے گا، میچ سے قبل منگل کو ٹیم کی پریکٹس شام 6 بجے مقرر تھی تاہم اسے بڑھا کر 6 بج کر 47 منٹ کر دیا گیا۔
بھارتی میڈیا کے مطابق کھلاڑیوں اور کرکٹ ٹیم کے اسٹاف کا ماننا تھا کہ چاند گرہن کے دوران پریکٹس کرنا غیر موزوں ہے۔
رپورٹس میں انکشاف ہوا ہے کہ بھارتی ٹیم کے ارکان ٹورنامنٹ کے دوران مختلف مذہبی رسومات بھی ادا کرتے رہے ہیں جبکہ کپتان سوریہ کمار یادیو، ابھیشیک شرما اور ہیڈ کوچ گوتم گمبھیر نے مختلف شہروں میں مندروں کے دورے بھی کیے۔ https://jang.com.pk/assets/uploads/updates/2026-03-03/1561572_012035_updates.jpg
ٹی20 ورلڈ کپ: محمد عامر کی بھارت سے متعلق ایک اور پیشگوئی
عامر کے مطابق بھارتی ٹیم کی کمزوریاں واضح ہیں https://jang.com.pk/assets/front/images/jang-icons/16x16.png
واضح رہے کہ بھارت اور انگلینڈ کے درمیان یہ مسلسل تیسرا ٹی20 ورلڈ کپ سیمی فائنل ہو گا جس میں دونوں ٹیمیں کل آمنے سامنے ہوں گی۔
2022ء کے سیمی فائنل میں انگلینڈ نے بھارت کو شکست دے کر بعد میں ٹائٹل جیتا تھا جبکہ 2024ء میں بھارت نے انگلینڈ کو ہرا کر فائنل میں جنوبی افریقا کو شکست دی تھی۔
بھارتی میڈیا میں شائع کیے گئے اعداد و شمار کے مطابق گزشتہ دو ایڈیشنز میں بھارت اور انگلینڈ کے سیمی فائنل کی فاتح ٹیم ہی ورلڈ چیمپئن بنی جس سے اس بار کے مقابلے کی اہمیت مزید بڑھ گئی ہے۔
وانکھیڑے اسٹیڈیم میں انگلینڈ اب تک 6 ٹی20 میچز کھیل چکا ہے جن میں 3 میں کامیابی حاصل ہوئی جبکہ بھارت نے یہاں 7 میں سے 5 میچز جیتے ہیں اور دسمبر 2017ء کے بعد سے اس میدان میں کوئی ٹی20 میچ نہیں ہارا ہے۔
Pages:
[1]