خواتین کا کردار ترقی پذیر ممالک کی ترقی میں انتہائی اہم ہے: گورنر اسٹیٹ بینک
https://jang.com.pk/assets/uploads/updates/2025-10-21/1521552_9390391_12_updates.jpgفائل فوٹو
گورنر اسٹیٹ بینک آف پاکستان جمیل احمد نے ورلڈ بینک میں خطاب کرتے ہوئے کہا ہے کہ خواتین کا کردار ترقی پذیر ممالک کی معاشی ترقی میں انتہائی اہم ہے۔
انہوں نے کہا کہ خواتین کو بااختیار بنانا اور معاشی ترقی میں صنفی شمولیت کو فروغ دینا اسٹیٹ بینک کی ترجیحات میں شامل ہے، برابری پر بینکاری کے اقدام نے مالی شمولیت میں صنفی فرق کم کرنے میں نمایاں کردار ادا کیا ہے۔
گورنر اسٹیٹ بینک کے مطابق ملک میں خواتین کے فعال بینک اکاؤنٹس کی تعداد 3 کروڑ 70 لاکھ تک پہنچ چکی ہے، جب کہ خواتین کو قرضوں کی فراہمی میں بھی خاطر خواہ اضافہ ہوا ہے۔ https://jang.com.pk/assets/uploads/updates/2025-04-14/1460706_105805_updates.jpg
آئندہ ماہ سے افراطِ زر میں اضافہ ہو گا: گورنر اسٹیٹ بینک
گورنر اسٹیٹ بینک جمیل احمد نے بتایا ہے کہ آئندہ ماہ سے افراطِ زر میں اضافہ ہو گا۔ https://jang.com.pk/assets/front/images/jang-icons/16x16.png
انہوں نے کہا کہ گزشتہ پانچ سالوں میں مائیکرو فنانس بینکوں کی جانب سے خواتین کو قرض دینے کی شرح میں 200 فیصد اضافہ ہوا ہے، اسی طرح خواتین کی چھوٹی اور درمیانی انٹرپرائزز اور زرعی قرضوں کے پورٹ فولیوز بھی دگنے ہوچکے ہیں۔
جمیل احمد نے مزید بتایا کہ گزشتہ تین برسوں میں 14 ہزار 600 سے زائد خواتین بینکوں کی ورک فورس کا حصہ بنی ہیں، جو مالیاتی شعبے میں خواتین کی بڑھتی ہوئی شمولیت کی عکاسی کرتا ہے۔
Pages:
[1]