ظہران ممدانی کی جنید خان سے حیران کن مشابہت، سوشل میڈیا پر چرچا
https://jang.com.pk/assets/uploads/updates/2025-11-07/1526399_1076076_1_updates.jpgفائل فوٹوز
حال ہی میں منتخب ہونے والے نیویارک سٹی کے میئر ظہران ممدانی ناصرف امریکا بلکہ پاکستان میں بھی خبروں کی زینت بن گئے ہیں۔
سوشل میڈیا صارفین کا کہنا ہے کہ ظہران ممدانی کی شکل پاکستانی گلوکار و اداکار جنید خان سے حیران کن حد تک ملتی جلتی ہے۔
افریقی ملک یوگنڈا میں پیدا ہونے والے ظہران ممدانی مسلمان، انہوں نے 34 سال کی عمر میں امریکی ڈیموکریٹک پارٹی کے امیدوار کی حیثیت سے انتخابات میں حصہ لیا اور نوجوان ووٹرز کی بھاری اکثریت سے کامیابی حاصل کی، ان کی کامیابی کے بعد دنیا بھر کے مسلمان ان کے انتخاب پر خوشی کا اظہار کر رہے ہیں۔ https://jang.com.pk/assets/uploads/updates/2025-11-06/1526143_101203_updates.jpg
ظہران ممدانی کی نریندر مودی پر کڑی تنقید، پرانی ویڈیو وائرل
نیو یارک سٹی کے نو منتخب مسلمان میئر ظہران ممدانی کی ایک پرانی ویڈیو سوشل میڈیا پر وائرل ہوگئی ہے۔https://jang.com.pk/assets/front/images/jang-icons/16x16.png
پاکستان میں ظہران ممدانی کی ویڈیوز وائرل ہونے کے بعد صارفین فوراً ان کو جنید خان سے مشابہت دینے لگے۔
ایک صارف نے لکھا کہ یہ تو جنید خان کی کاربن کاپی لگ رہے ہیں، جبکہ دوسرے نے کہا یہ تو جنید خان سے بھی زیادہ جنید خان لگ رہے ہیں، ایک اور نے تبصرہ کیا کہ یہ تو کال بینڈ والے جنید خان جیسے ہیں، جبکہ ایک نے مزاحیہ انداز میں لکھا یہ تو جنید خان اور پنکج ترپاٹھی کا امتزاج لگ رہے ہیں۔
اداکار جنید خان نے بھی یہ دلچسپ موازنہ نظرانداز نہیں کیا، انہوں نے اپنے انسٹاگرام اکاؤنٹ پر ایک پوسٹ ری شیئر کرتے ہوئے لکھا کہ امید ہے اگلی بار جب نیویارک سٹی آؤں گا تو وی آئی پی ٹریٹمنٹ ضرور ملے گا۔ https://jang.com.pk/assets/uploads/updates/2025-11-07/1526399_667098_Untitled-2_updates.jpg
سوشل میڈیا پر ظہران ممدانی اور جنید خان کی مشابہت پر تبصرے جاری ہیں اور صارفین اس دلچسپ مماثلت پر خوب محظوظ ہو رہے ہیں۔
Pages:
[1]