فرانس: شہری کو اپنے باغ سے 8 لاکھ ڈالر مالیت کا سونا مل گیا
https://jang.com.pk/assets/uploads/updates/2025-11-07/1526405_9049563_4_updates.jpgفائل فوٹو
فرانس میں ایک شخص کو اپنے گھر کے باغ سے 8 لاکھ امریکی ڈالر （تقریباً 7 لاکھ یورو） مالیت کے سونے کے بسکٹ اور سکے مل گئے۔
مقامی حکام کے مطابق یہ انوکھا واقعہ فرانس کے شہر نیوویل سور ساون （Neuville-sur-Saône） کے علاقے میں پیش آیا، جہاں ایک شخص اپنے باغ میں سوئمنگ پول کے لیے کھدائی کا کام کر رہا تھا کہ اس دوران اسے پلاسٹک کے بیگز میں بند 5 سونے کے بسکٹس اور درجنوں سکے ملے۔
شہری نے فوراً اس خزانے کی اطلاع ریجنل ڈائریکٹوریٹ آف کلچرل افیئرز کو دی۔
حکام کی جانب سے مکمل تحقیقات کے بعد فیصلہ سنایا گیا کہ چونکہ یہ خزانہ کسی آثارِ قدیمہ کا حصہ نہیں ہے بلکہ بظاہر جدید دور کی ملکیت ہے، اس لیے شہری اسے اپنے پاس رکھ سکتا ہے۔ https://jang.com.pk/assets/uploads/updates/2025-10-13/1519072_120055_updates.jpg
کیا سونا درختوں پر اُگ سکتا ہے؟ سائنسدانوں نے پتہ لگا لیا
ایک نئی سائنسی تحقیق میں سونے کی پیداوار سے متعلق حیرت انگیز انکشاف ہوا ہے۔ https://jang.com.pk/assets/front/images/jang-icons/16x16.png
مقامی انتظامیہ کے ترجمان کے مطابق زمین کے پچھلے مالک کی موت ہوچکی ہے اور اس بات کا کوئی سراغ نہیں مل سکا کہ یہ سونا وہاں کب اور کیسے دفن کیا گیا تھا۔
فرانسیسی اخبار Le Progrès کے مطابق یہ خزانہ پانچ سونے کی اینٹوں اور متعدد سکوں پر مشتمل تھا جو پلاسٹک بیگز میں لپٹا ہوا تھا۔
یہ انوکھا واقعہ پورے فرانس میں دلچسپی کا باعث بن گیا ہے اور شہریوں نے اس شخص کو خوش نصیب ترین گارڈنر قرار دیا ہے۔
Pages:
[1]