پاکستان سے پارلیمانی تعلقات مضبوط بنانے کیلئے اعلیٰ سطح کا روسی وفد اسلام آباد آئے گا: روسی سفارتخانہ
https://jang.com.pk/assets/uploads/updates/2025-11-07/1526450_6454727_14_updates.jpgفائل فوٹو
پاکستان اور روس کے درمیان پارلیمانی تعلقات کو مضبوط بنانے کے لیے ایک اعلیٰ سطح کا روسی وفد اسلام آباد کا دورہ کرے گا۔
روسی سفارتخانے کے اعلامیے میں کہا گیا ہے کہ روسی پارلیمنٹ کے نمائندے 11 اور 12 نومبر کو بین الپارلیمانی اسپیکرز کانفرنس میں شرکت کے لیے پاکستان پہنچیں گے۔
اعلامیے کے مطابق روسی وفد کی قیادت فیڈریشن کونسل کے نائب اسپیکر سینیٹر کونسٹانٹین کوساچیف کریں گے، جبکہ اسٹیٹ ڈوما کے ڈپٹی چیئرمین الیگزینڈر باباکوف بھی وفد کی قیادت کریں گے۔
بیان میں مزید کہا گیا ہے کہ روس پاکستان دوستی گروپ کے چیئرمین ولادیمیر چیزوف بھی وفد کا حصہ ہوں گے۔
روسی سفارتخانے نے بتایا کہ ولادیمیر چیزوف نے فروری 2024 میں پاکستان کے عام انتخابات کا مشاہدہ کیا تھا۔
اعلامیے میں کہا گیا ہے کہ روسی وفد کی پاکستانی پارلیمانی رہنماؤں سے ملاقاتیں بھی متوقع ہیں، جس میں پارلیمانی تعاون کے فروغ اور دوطرفہ تعلقات پر تبادلہ خیال کیا جائے گا۔
Pages:
[1]