فیروز خان کی پوسٹ پر سابق و موجودہ اہلیہ لڑ پڑیں، اداکار نے پوسٹ ڈیلیٹ کر دی
https://jang.com.pk/assets/uploads/updates/2025-11-15/1528756_6206999_nms_updates.jpg— فائل فوٹوپاکستان کے مشہور اداکار فیروز خان کی سابقہ اہلیہ علیزے سلطان اور موجودہ اہلیہ ڈاکٹر زینب سوشل میڈیا پر آمنے سامنے آگئیں۔
فوٹوز اینڈ ویڈیوز شیئرنگ پلیٹ فارم انسٹاگرام پر اداکار کی ایک پوسٹ پر سابقہ اہلیہ نے کمنٹس میں تبصرہ کرتے ہوئے اپنے بچوں کے لیے یونیفارم کا مطالبہ کیا اور لکھا کہ برائے مہربانی سردیوں کے کپڑے اور یونیفارم بھجوادیں۔
علیزے کی جانب سے مذکورہ کمنٹ کے بعد موجودہ اہلیہ خاموش نہ رہ سکیں اور انہیں آڑے ہاتھوں لیتے ہوئے جواب دیا۔
ڈاکٹر زینب نے لکھا کہ پہلی بات ایسی باتیں عوامی سطح پر نہیں کی جاتی اور دوسری بات یہ کہ اس طرح کے رویوں سے تم پہلے ہی فیروز خان کو ذہنی طور پر بُری طرح متاثر کرچکی ہو، ہماری فیملی کو ستانہ بند کرو اور اپنے والد اور بھائی کے نمبرز سے فیروز خان سے رابطہ کرنا بند کر دو۔
انہوں نے ایک اور کمنٹ کرتے ہوئے یہ بھی کہا کہ تمہیں اس طرح کے کمنٹ کرنے، فیروز خان سے رابطہ کرنے یا انہیں پریشان کرنے کا کوئی حق نہیں رہا۔ فیروز کو اپنے ذاتی مسائل بیان کرنا بند کرو اور انہیں اپنے تک محدود رکھو۔ https://jang.com.pk/assets/uploads/updates/2025-03-28/1455563_023237_updates.jpg
فیروز خان کی دوسری اہلیہ سے ملاقات کیسے ہوئی؟
برطانوی تقریب میں پاکستانی اداکار فیروز خان کو اداکاری کے میدان میں خدمات انجام دینے پر اعزاز سے نوازا گیا۔ https://jang.com.pk/assets/front/images/jang-icons/16x16.png
انہوں نے علیزے سلطان کو دوسری شادی کا مشورہ دیتے ہوئے کہا کہ بہتر ہے کہ شادی کرلو، ورنہ میں بھی عوامی سطح پر تمہاری حقیقت بیان کر دوں گی۔
معاملہ یہی نہیں رُکا بلکہ مذکورہ پوسٹ کے کمنٹ میں فیروز کی بہن بھی میدان میں آگئیں اور کہا کہ بچوں کے اخراجات کبھی نہیں روکے گئے، 2 لاکھ ماہانہ بھیجے جاتے ہیں، جس میں سے 70 ہزار دونوں بچوں کی اسکول فیس ہے باقی 1 لاکھ 30 ہزار دیگر اخراجات کی مد میں استعمال کیے جاسکتے ہیں۔ https://jang.com.pk/assets/uploads/updates/2022-10-25/1151355_125812_updates.jpg
شوبر شخصیات کا علیزے سلطان سے اظہار یکجہتی
پاکستان شوبز انڈسٹری کے معروف اداکار فیروز خان کی سابقہ اہلیہ علیزے سلطان نے گزشتہ سماعت میں مبینہ تشدد کے ثبوت عدالت میں جمع کروائے تھے جو اب سوشل میڈیا پر وائرل ہوگئے ہیں۔ https://jang.com.pk/assets/front/images/jang-icons/16x16.png
سوشل میڈیا پر دونوں کے درمیان معاملات مزید تلخ ہوئے تو مذکورہ پوسٹ ڈیلیٹ کر دی گئی تاہم اس سے قبل ہی مختلف سوشل میڈیا پیجز پر اس کے اسکرین شاٹس وائرل ہوگئے۔
واضح رہے کہ علیزے سلطان اور فیروز خان 2018 میں شادی کے بندھن میں بندھے تھے، ان کے دو بچے، ایک بیٹا سلطان اور دوسری بیٹی فاطمہ ہے۔ تاہم یہ شادی زیادہ عرصے نہ چل سکی اور 2022 میں طلاق پر ختم ہوگئی۔
اس کے بعد فیروز خان نے جون 2024 میں ڈاکٹر زینب سے دوسری شادی کی تھی۔
Pages:
[1]