پاکستان کے مشہور اداکار فیروز خان کی سابقہ اہلیہ علیزے سلطان اور موجودہ اہلیہ ڈاکٹر زینب سوشل میڈیا پر آمنے سامنے آگئیں۔
فوٹوز اینڈ ویڈیوز شیئرنگ پلیٹ فارم انسٹاگرام پر اداکار کی ایک پوسٹ پر سابقہ اہلیہ نے کمنٹس میں تبصرہ کرتے ہوئے اپنے بچوں کے لیے یونیفارم کا مطالبہ کیا اور لکھا کہ برائے مہربانی سردیوں کے کپڑے اور یونیفارم بھجوادیں۔
علیزے کی جانب سے مذکورہ کمنٹ کے بعد موجودہ اہلیہ خاموش نہ رہ سکیں اور انہیں آڑے ہاتھوں لیتے ہوئے جواب دیا۔
ڈاکٹر زینب نے لکھا کہ پہلی بات ایسی باتیں عوامی سطح پر نہیں کی جاتی اور دوسری بات یہ کہ اس طرح کے رویوں سے تم پہلے ہی فیروز خان کو ذہنی طور پر بُری طرح متاثر کرچکی ہو، ہماری فیملی کو ستانہ بند کرو اور اپنے والد اور بھائی کے نمبرز سے فیروز خان سے رابطہ کرنا بند کر دو۔
انہوں نے ایک اور کمنٹ کرتے ہوئے یہ بھی کہا کہ تمہیں اس طرح کے کمنٹ کرنے، فیروز خان سے رابطہ کرنے یا انہیں پریشان کرنے کا کوئی حق نہیں رہا۔ فیروز کو اپنے ذاتی مسائل بیان کرنا بند کرو اور انہیں اپنے تک محدود رکھو۔
فیروز خان کی دوسری اہلیہ سے ملاقات کیسے ہوئی؟
برطانوی تقریب میں پاکستانی اداکار فیروز خان کو اداکاری کے میدان میں خدمات انجام دینے پر اعزاز سے نوازا گیا۔
انہوں نے علیزے سلطان کو دوسری شادی کا مشورہ دیتے ہوئے کہا کہ بہتر ہے کہ شادی کرلو، ورنہ میں بھی عوامی سطح پر تمہاری حقیقت بیان کر دوں گی۔
معاملہ یہی نہیں رُکا بلکہ مذکورہ پوسٹ کے کمنٹ میں فیروز کی بہن بھی میدان میں آگئیں اور کہا کہ بچوں کے اخراجات کبھی نہیں روکے گئے، 2 لاکھ ماہانہ بھیجے جاتے ہیں، جس میں سے 70 ہزار دونوں بچوں کی اسکول فیس ہے باقی 1 لاکھ 30 ہزار دیگر اخراجات کی مد میں استعمال کیے جاسکتے ہیں۔
شوبر شخصیات کا علیزے سلطان سے اظہار یکجہتی
پاکستان شوبز انڈسٹری کے معروف اداکار فیروز خان کی سابقہ اہلیہ علیزے سلطان نے گزشتہ سماعت میں مبینہ تشدد کے ثبوت عدالت میں جمع کروائے تھے جو اب سوشل میڈیا پر وائرل ہوگئے ہیں۔
سوشل میڈیا پر دونوں کے درمیان معاملات مزید تلخ ہوئے تو مذکورہ پوسٹ ڈیلیٹ کر دی گئی تاہم اس سے قبل ہی مختلف سوشل میڈیا پیجز پر اس کے اسکرین شاٹس وائرل ہوگئے۔
واضح رہے کہ علیزے سلطان اور فیروز خان 2018 میں شادی کے بندھن میں بندھے تھے، ان کے دو بچے، ایک بیٹا سلطان اور دوسری بیٹی فاطمہ ہے۔ تاہم یہ شادی زیادہ عرصے نہ چل سکی اور 2022 میں طلاق پر ختم ہوگئی۔
اس کے بعد فیروز خان نے جون 2024 میں ڈاکٹر زینب سے دوسری شادی کی تھی۔
Post time 2025-11-15 21:12:16
— فائل فوٹو 
