ایمی ایوارڈ یافتہ دی سمپسنز کے رائٹر ڈین مک گراتھ چل بسے
https://jang.com.pk/assets/uploads/updates/2025-11-17/1529209_2305777_6_updates.jpgفائل فوٹوزایمی ایوارڈ یافتہ معروف اینیمیٹڈ سیریز دی سمپسنز کے مصنف اور اسٹیج ڈائریکٹر ڈینیئل انتھونی مک گراتھ المعروف ڈین مک گراتھ فالج کے باعث چل بسے۔
وہ امریکی ٹی وی اور مزاحیہ تحریر کی دنیا میں ایک معتبر اور بااثر نام تھے، انہوں نے جاپانی اور چینی تاریخ و سیاست کی تعلیم حاصل کی، تاہم جاپانی زبان کے تمام کورسز میں ناکامی کے باوجود وہ ہارورڈ لیمپون میں بطور رائٹر، ایڈیٹر اور کارٹونسٹ کام کرتے رہے۔
ہارورڈ یونیورسٹی میں تعلیم کے دوران ڈین مک گراتھ MIT میں کمپیوٹر گیمز ڈیزائن کرنے میں بھی مصروف رہے، ہالی ووڈ جانے سے قبل وہ سرکاری اسپتالوں، کلینکس اور ایمرجنسی وارڈز میں طویل عرصہ خدمات سرانجام دیتے رہے۔ https://jang.com.pk/assets/uploads/updates/2025-05-15/1471207_085648_updates.jpg
معروف اینیمیٹڈ سیریز دی سمپسنز کے مصنف اسٹیو پیپون چل بسے
وہ گزشتہ دو برسوں سے دل کی بیماری میں مبتلا تھےhttps://jang.com.pk/assets/front/images/jang-icons/16x16.png
ٹی وی کی دنیا میں ان کا باقاعدہ آغاز سیٹر ڈے نائٹ لائیو （SNL） میں لکھاری کے طور پر ہوا، جہاں انہوں نے کرس فارلے اور ایڈم سینڈلر جیسے معروف فنکاروں کے ساتھ کام کیا، ڈین مک گراتھ نے کئی مشہور شوز کے لیے بھی تحریری خدمات انجام دیں۔
بعدازاں وہ دنیا کے مقبول ترین اینیمیٹڈ سٹ کام دی سمپسنز کی ٹیم میں شامل ہوئے اور کئی اقساط کے شریک مصنف رہے، اسی کام پر انہیں ایمی ایوارڈ سے نوازا گیا۔
Pages:
[1]