ٹرمپ نے سعودی عرب کو اہم نان نیٹو اتحادی قرار دیدیا
https://jang.com.pk/assets/uploads/updates/2025-11-19/1529792_6399875_Trump-with-Crown-prince-MBS_updates.jpg امریکی صدر ڈونلڈ ٹرمپاور سعودی ولی عہد محمد بن سلمان--- فوٹو اسکرین گریپامریکی صدر ڈونلڈ ٹرمپ نے سعودی عرب کو اہم نان نیٹو اتحادی قرار دیتے ہوئے کہا کہ ہم سعودی عرب کے ساتھ دیرینہ تعلق کو مزید مضبوط بنائیں گے۔
غیر ملکی میڈیا کے مطابق امریکی صدر ڈونلڈ ٹرمپ نے سعودی ولی عہد محمد بن سلمان کے اعزاز میںدیے گئے عشائیے میں خطاب کرتے ہوئے کہا کہ میں سعودی ولی عہد کو وائٹ ہاؤس میں خوش آمدید کہتا ہوں۔
ڈونلڈ ٹرمپ نے کہا کہ سعودی عرب اور امریکا کے تاریخی اور دیرینہ تعلقات ہیں اور ہم سعودی عرب کے ساتھ دیرینہ تعلق کو مزید مضبوط بنائیں گے۔
امریکی صدر نے کہا کہ مشرق وسطیٰ میں امن کے لیے دن رات کام کر رہے ہیں، خطے میں دیرپا امن قائم کرنے کے قریب پہنچ چکے ہیں اور ایران امریکا کے ساتھ معاہدہ کرنا چاہے گا۔
انہوں نے بتایا کہ سعودی عرب کے ساتھ اسٹریٹیجک دفاعی معاہدے پر دستخط کئے ہیں، سعودی عرب کو اہم نان نیٹو اتحادی قرار دے دیا گیا ہے اور اب سعودی عرب پہلے سے زیادہ محفوظ ہے۔
امریکی معیشت کے حوالے سے بات کرتے ہوئے امریکی صدر نے کہا کہ ایک سال پہلے امریکا کی معیشت زبوں حالی کا شکار تھی۔
امریکی صدر کی سرکاری رہائشگاہ پر ہونے والے خصوصی اعشایے میں ٹیک جائنٹ ایلون مسک نے بھی شرکت کی۔
Pages:
[1]