فرحان سعید نے اپنی فلم ’ٹچ بٹن‘ کی ناکامی کی وجوہات بتا دیں
https://jang.com.pk/assets/uploads/updates/2025-11-23/1531103_5635515_11_updates.jpgتصویر:سوشل میڈیا
پاکستانی گلوکار اور اداکار فرحان سعید نے اپنی فلم ’ٹچ بٹن‘ کی ناکامی کی وجوہات بتا دیں۔
فرحان سعید نے حال ہی میں ایک پوڈکاسٹ میں اپنی پروڈیوس کردہ فلم ٹچ بٹن کی ناکامی سے متعلق کھل کر بات کی۔
فرحان سعید نے کہا کہ فلم کے ساتھ مکمل وابستگی نہ ہونے اور ٹیم میں پیشہ ورانہ مسائل کی وجہ سے پروجیکٹ ناکام ہوا۔
انہوں نے بتایا کہ ایمان علی کو پروجیکٹ کے ساتھ کوئی مسئلہ نہیں تھا، لیکن کاسٹنگ بالکل غلط تھی، ہم نے اسکرین ٹیسٹ کیے، لیکن کچھ مسائل سامنے آئے، فلم کی شوٹنگ خاص طور پر نانکانہ صاحب میں منفی دو ڈگری میں مشکل تھی۔
انہوں نے مزید کہا کہ بعض لوگ غیر پیشہ ورانہ رویہ رکھتے تھے، جیسے سیٹ پر دیر سے آنا یا نخرے کرنا اور یہ فلم کی کامیابی میں رکاوٹ بنی۔
فرحان نے دیگر اسٹاف جیسے قوی، گلِ رانا، سہیل، سامیہ ممتاز اور راحیلہ آغا کو ان کی لگن اور محنت کے لیے سراہا۔ https://jang.com.pk/assets/uploads/updates/2025-05-23/1473925_051634_updates.jpg
فرحان سعید کا نیا روپ ’شمشیر‘ توجہ کا مرکز بن گیا
ٹپ میڈ انٹرٹینمنٹ نے اپنے آنے والی ڈرامہ سیریل ’شمشیر‘ کی پہلی جھلک جاری کر دی، جس میں معروف اداکار فرحان سعید ایک نئے اور جرأت مند کردار میں جلوہ گر ہوں گے۔ https://jang.com.pk/assets/front/images/jang-icons/16x16.png
فرحان نے اعتراف کیا کہ اگر دوبارہ موقع ملے تو وہ اس فلم میں شامل کاسٹ کے ساتھ دوبارہ کام نہیں کریں گے اور فلم میں کئی چیزیں، خصوصاً کاسٹنگ، بدلنی چاہیں۔
مزاحیہ انداز میں انہوں نے کہا کہ فلم واقعی ٹچ ہوگئی اور پروجیکٹ میں متعدد مسائل اور غلطیاں تھیں، جس کی وجہ سے فلم کامیاب نہیں ہو سکی۔
Pages:
[1]