آئی سی یو میں زیرِ علاج خالدہ ضیاء کی حالت مزید خراب، وینٹی لیٹر پر منتقل
https://jang.com.pk/assets/uploads/updates/2025-12-01/1533541_6173534_%D8%A8%D9%86%D8%B4%DA%A9%DA%A9_updates.jpg— فائل فوٹو
بنگلادیش نیشنلسٹ پارٹی （بی این پی） کی چیئرپرسن اور سابق وزیرِاعظم بیگم خالدہ ضیاء کی حالت مزید بگڑ گئی، جس کے بعد گزشتہ شب انہیں وینٹی لیٹر پر منتقل کر دیا گیا۔
غیر ملکی میڈیا رپورٹس کے مطابق بی این پی کے وائس چیئرمین ایڈووکیٹ احمد اعظم خان نے آج میڈیا سے گفتگو کرتے ہوئے کہا کہ بیگم ضیاء کی حالت دوبارہ نازک ہوگئی ہے، گزشتہ رات سے وہ وینٹی لیٹر پر ہیں۔
انہوں نے بتایا کہ خالدہ ضیاء کو پہلے سی سی یو سے آئی سی یو منتقل کیا گیا اور پھر انہیں وینٹی لیٹر پر رکھا گیا ہے۔https://jang.com.pk/assets/uploads/updates/2025-11-27/1532365_073004_updates.jpg
سابق وزیرِاعظم بنگلادیش خالدہ ضیاء کی حالت تشویشناک
خالدہ ضیا کو پھیپھڑوں اور دل کے انفیکشن کے باعث ڈھاکا کے ایور کیئر اسپتال کے انتہائی نگہداشت وارڈ میں منتقل کر دیا گیا ۔ https://jang.com.pk/assets/front/images/jang-icons/16x16.png
دوسری جانب 2008 سے لندن میں مقیم، خالدہ ضیاء کے بیٹے خودساختہ جلاوطن اور بی این پی کے قائم مقام سربراہ طارق رحمٰن کی وطن واپسی تاحال غیریقینی کی صورتِ حال کا شکار ہے۔
انہوں نے سوشل میڈیا پر پیغام جاری کرتے ہوئے کہا کہ ’وطن واپس آنا پوری طرح میرے اختیار میں نہیں ہے‘، جس کے بعد ان کی ممکنہ واپسی پر سیاسی و قانونی رکاوٹوں کے سوال اٹھنے لگے ہیں۔
ادھر نوبیل انعام یافتہ محمد یونس کی قیادت میں قائم عبوری حکومت نے وضاحت دی ہے کہ طارق رحمٰن کی واپسی پر کسی قسم کی پابندی نہیں ہے۔
دوسری جانب عبوری حکومت کے عملی وزیرِ خارجہ توحید حسین نے گزشتہ روز بتایا کہ اگر طارق رحمٰن وطن واپس آنا چاہیں تو ایک دن کے اندر ان کے لیے ٹریول پاس جاری کر دیا جائے گا۔
واضح رہے کہ 80 سالہ خالدہ ضیاء کو 23 نومبر کو مختلف طبی مسائل کے باعث اسپتال میں داخل کیا گیا تھا، جہاں وہ مسلسل زیر علاج ہیں۔
Pages:
[1]