والد کی آخری رسومات فلمانے پر سنی دیول آگ بگولہ، پاپارازی کا کیمرہ چھین لیا
https://jang.com.pk/assets/uploads/updates/2025-12-03/1534190_488428_sunny-deol-angry_updates.jpg—تصویر بشکریہ بھارتی میڈیابالی ووڈ اداکار سنی دیول اپنے والد آنجہانی دھرمیندر کی آخری رسومات فلمانے پر پاپارازی فوٹوگرافر پر آگ بگولہ ہو گئے، اس کا کیمرہ چھین کر انہوں نے سوال کیا کہ کتنے پیسے چاہئیں؟
بھارتی میڈیا کے مطابق ایک نئی ویڈیو سوشل میڈیا پر تیزی سے وائرل ہو رہی ہے جس میں سنی دیول کو ایک فوٹوگرافر پر غصے میں بے قابو ہوتے ہوئے دیکھا جا سکتا ہے۔
لیجنڈری اداکار دھرمیندر کے انتقال کے بعد ان کی چتا کی راکھ کو پانی کے حوالے کرنے کی رسم کے موقع پر فیملی کی پرائیویسی میں مداخلت کرنے پر اداکار سنی دیول پاپارازی فوٹو گرافر پر شدید برہم ہو گئے۔
وائرل کلپ میں سنی دیول کو ایک فوٹوگرافر کی طرف غصے میں جاتے ہوئے دیکھا گیا، انہوں نے اس کا کیمرہ ہاتھ میں لیا اور اس غمگین صورتِ حال میں پیسوں کے لیے خاندان کی پرائیویسی میں مداخلت کرنے پر پاپارازی فوٹو گرافم کی سرزنش کی۔
اداکار نے شدید غصے میں سوال کیا کہ تمہیں کتنے پیسے چاہئیں؟
مداحوں نے بھی سنی دیول کے اس غصے کا دفاع کرتے ہوئے میڈیا کو خبردار کیا کہ وہ مشہور شخصیات کی پرائیویسی کا احترام کریں۔
یہ پہلا موقع نہیں ہے جب سنی دیول نے میڈیا کے اس رویے پر اعتراض کیا ہو، اس سے قبل دھرمیندر کو اسپتال سے ڈسچارج کر کے گھر لائے جانے کے بعد بھی فوٹوگرافرز ان کی رہائش گاہ کے باہر ہر عکس بندی کر رہے تھے۔ https://jang.com.pk/assets/uploads/updates/2025-11-13/1528205_062328_updates.jpg
سنی دیول نے گھر کے باہر موجود فوٹوگرافر کو گالی دے دی
اداکار نے سخت لہجے میں میڈیا نمائندوں کو تنبیہ کی کہ وہ ایسے نازک وقت میں ان کے خاندان کی پرائیویسی کا احترام کریں۔ https://jang.com.pk/assets/front/images/jang-icons/16x16.png
اس وقت بھی سنی دیول کو غصے میں باہر آتے ہوئے دیکھا گیا تھا جہاں انہوں نے پاپارازیوں کے سامنے ہاتھ جوڑ کر کہا تھا کہ آپ لوگوں کو شرم آنی چاہیے، آپ کے گھر میں بھی ماں باپ ہیں، بچے ہیں، کیا آپ کو شرم نہیں آتی؟
بتایا گیا ہے کہ اداکار اس لیے برہم ہوئے کہ پاپارازی فوٹوگرافرز اسپتال اور ان کے گھر کی کئی دنوں سے مسلسل نگرانی کر رہے تھے کہ کوئی موقع ملے اور کوئی تصویر لے سکیں۔
یاد رہے کہ اداکار دھرمیندر گزشتہ ماہ 24 نومبر کو 89 برس کی عمر میں ممبئی میں اپنی رہائش گاہ پر انتقال کر گئے تھے۔
Pages:
[1]