بھارت: مالی بحران، شوہر کی جانب سے دھوکے پر خاتون کبڈی کھلاڑی کی خودکشی
https://jang.com.pk/assets/uploads/updates/2025-12-09/1535929_9173091_News_updates.jpg-- فوٹو بشکریہ بھارتی میڈیابھارتی ریاست مہاراشٹر کے شہر ناگپور میں 29 سالہ کبڈی کھلاڑی کرن سراج دادھے نے مبینہ طور پر خودکشی کر لی۔
ابتدائی تحقیقات کے مطابق کبڈی کی کھلاڑی کرن کو مالی مشکلات، شوہر کی جانب سے جھوٹے روزگار کے وعدے اور ازدواجی تنازعات نے خودکشی پر مجبور کیا۔
بھارتی میڈیا کے مطابق کرن سراج نے 2020ء میں سواپنل جیدو سے شادی کی تھی۔ شادی سے قبل سواپنل نے کرن اور اس کے بھائی سے ملازمت دلوانے اور اِن کے مالی مسائل حل کرنے میں مدد کرنے کا وعدہ کیا تھا مگر شادی کے بعد کرن کو معلوم ہوا کہ یہ سب وعدے جھوٹے تھے اور اِنہیں مسلسل ٹالا جا رہا ہے۔
حالات بگڑنے پر کرن سراج کچھ ماہ قبل اپنے شوہر کا گھر چھوڑ کر والدین کے پاس واپس چلی گئی تھی۔ https://jang.com.pk/assets/uploads/updates/2025-11-27/1532392_112839_updates.jpg
بھارت: سسرالیوں کے مظالم کی شکار خاتون نے شادی کے 6 ماہ بعد ہی خودکشی کرلی
پولیس نے واقعے کا مقدمہ درج کر کے نیہا کے شوہر اور اس کے خاندان کے چار افراد کو گرفتار کر لیا۔ https://jang.com.pk/assets/front/images/jang-icons/16x16.png
کرن نے اپنی زندگی میں شوہر پر الزام عائد کیا تھا کہ وہ ناصرف ذہنی طور پر اِسے ہراساں کرتا ہے بلکہ نامناسب مطالبات بھی کرتا ہے۔
رواں ماہ 4 دسمبر کو کرن نے زہر پی کر خودکشی کی کوشش کی جس پر اِسے فوراً اسپتال منتقل کیا گیا لیکن تین دن تک زندگی و موت کی کشمکش کے بعد اس نے اسپتال میں دم توڑ دیا۔
بھارتی میڈیا کے مطابق پولیس نے سواپنل لمبگھڑے کے خلاف مقدمہ درج کرکےملزم کی تلاش شروع کر دی ہے۔
Pages:
[1]