عائشہ خان کے قد پر تبصرہ، بھارتی سنگھ تنقید کی زد میں آگئیں
https://jang.com.pk/assets/uploads/updates/2025-12-17/1538316_1090932_News2_updates.jpg---فائل فوٹوزبھارتی انڈسٹری کی معروف کامیڈین بھارتی سنگھ فلم دھریندھر سے شہرت حاصل کرنے والی اداکارہ عائشہ خان کے قد کاٹھ پر متنازع تبصرے کے بعد سخت تنقید کی زد میں ہیں۔
فلم ’کس کس کو پیار کروں 2‘ کی ٹیم فلم کی پرموشن کے لیے کامیڈی شو ’لافر شیفس سیزن 3‘ کے سیٹ پر پہنچی۔
اس موقع پر شو کی میزبان اور کامیڈین بھارتی سنگھ نے عائشہ خان کے قد کاٹھ پر تبصرہ کیا جسے کئی ناظرین نے نامناسب قرار دیا۔ https://jang.com.pk/assets/uploads/updates/2025-12-17/1538316_9908178_S1_updates.jpgاسکرین شاٹ
شو میں عائشہ خان کی انٹری کے دوران بھارتی سنگھ نے اِن کا موازنہ کامیڈین کرشنا ابھیشک سے کرتے ہوئے ان کے قد و قامت کو مردانہ قرار دیا جس کے بعد عائشہ خان واضح طور پر غیر آرام دہ محسوس کرتی نظر آئیں اور فوراً کپِل شرما کی جانب بڑھ گئیں۔
صورتحال کی نزاکت کو محسوس کرتے ہوئے کپِل شرما نے بھارتی سنگھ سے سوال کیا کہ آپ نے یہ تعریف کی ہے یا آپ کے ذہن میں کچھ اور چل رہا ہے، پرول گلاٹی نے بھی معاملے میں مداخلت کرتے ہوئے کہا کہ ایسا کہنا درست نہیں تھا۔ https://jang.com.pk/assets/uploads/updates/2025-12-17/1538316_6860882_s2_updates.jpgاسکرین شاٹ
بعد ازاں بھارتی سنگھ نے اپنی صفائی میں کہا کہ چونکہ وہ حاملہ ہیں اس وجہ سے کچھ بھی کہہ جاتی ہیں۔
اس واقعے کی ویڈیو سوشل میڈیا پر وائرل ہونے کے بعد صارفین کی جانب سے شدید ردعمل سامنے آیا ہے۔ https://jang.com.pk/assets/uploads/updates/2025-12-17/1538316_7104984_s3_updates.jpgاسکرین شاٹ
کئی سوشل میڈیا صارفین نے بھارتی کے تبصرے کو غیر مہذب اور لمبے قد کی خواتین کی توہین قرار دیا ہے جبکہ کچھ صارفین نے کہا کہ عائشہ خان کا قد و قامت ویسا بھی نہیں جیسا بیان کیا گیا۔
Pages:
[1]