دنیا میں اظہارِ رائے کی آزادی میں کمی اور صحافیوں پر حملوں میں اضافہ
https://jang.com.pk/assets/uploads/updates/2025-12-19/1539063_8580216_%D8%B5%D9%81%D8%A7%D8%A7%D8%A7_updates.jpgفائل فوٹویونیسکو کی تازہ رپورٹ میں انکشاف ہوا ہے کہ دنیا میں اظہارِ رائے کی آزادی میں 10 فیصد کمی اور صحافیوں پر حملوں میں اضافہ ہوا ہے جبکہ خواتین صحافیوں کو آن لائن ہراسانی کا سامنا ہے۔
’ورلڈ ٹرینڈز اِن فریڈم آف ایکسپریشن 2025-2022‘ کی رپورٹ کے مطابق 2012 سے 2024 کے درمیان اظہارِ رائے کی آزادی میں 10 فیصد کمی آئی، جو کئی دہائیوں میں بدترین کمی ہے۔ https://jang.com.pk/assets/uploads/akhbar/2025-08-26/1504096_043804_updates.jpg
اسرائیل کا غزہ اسپتال پر خوفناک حملہ، 5 صحافیوں سمیت 20 افراد شہید، ٹرمپ کی مذمت
غزہ ، صنعا اسرائیل کاغزہ کے اسپتال پر خوفناک حملہ،... https://jang.com.pk/assets/front/images/jang-icons/16x16.png
رپورٹ کے مطابق صحافیوں میں سیلف سنسرشپ کے رجحان میں 63 فیصد اضافہ ہوا ہے۔
رپورٹ کے مطابق گزشتہ تین برس میں 186 صحافی ہلاک ہوئے جس میں سے 93 صرف 2025 میں مارے گئے ہیں، زیادہ تر اموات جنگی علاقوں میں ہوئیں۔ خواتین صحافیوں پر بھی آن لائن حملے 75 فیصد تک بڑھ گئے ہیں۔
یونیسکو نے حکومتوں سے مطالبہ کیا ہے کہ وہ آزاد، محفوظ اور پیشہ ورانہ صحافت میں سرمایہ کاری کریں، ڈیجیٹل شفافیت کو فروغ دیں اور شہریوں کو میڈیا لٹریسی کی تعلیم دیں تاکہ غلط معلومات اور نفرت انگیزی کا مقابلہ کیا جا سکے۔
Pages:
[1]