سابق وزیرِاعظم خالدہ ضیا کے بیٹے طارق رحمان کی 17سال بعد بنگلادیش واپسی ملکی سیاست میں اہم موڑ قرار
https://jang.com.pk/assets/uploads/updates/2025-12-23/1540169_8470770_News4_updates.jpg---فائل فوٹو
سابق وزیرِاعظم خالدہ ضیا کے صاحبزادے، بنگلادیش نیشنلسٹ پارٹی （بی این پی） کے قائم مقام چیئرمین اور اہم سیاسی رہنما طارق رحمان 17 سال بعد جمعرات کو بنگلادیش واپس پہنچ رہے ہیں۔
سیاسی رہنما طارق رحمان کی واپسی کو فروری 2026ء میں متوقع عام انتخابات سے قبل ملکی سیاست کا ایک بڑا واقعہ قرار دیا جا رہا ہے، بی این پی نے ان کے استقبال کے لیے ڈھاکا میں عوامی اجتماع کی اجازت حاصل کر لی ہے۔
طارق رحمان ایسے وقت میں بنگلادیش واپس آ رہے ہیں جب ملک سیاسی بے چینی، تشدد اور شدت پسند عناصر کی سرگرمیوں کے باعث ایک نازک دور سے گزر رہا ہے۔https://jang.com.pk/assets/uploads/updates/2025-12-22/1539973_102638_updates.jpg
بنگلا دیش اور بھارت کے درمیان کشیدگی میں اضافہ، دہلی میں ویزا سروس معطل
بنگلا دیش اور بھارت کے درمیان کشیدگی میں اضافہ ہوگیا ہے، بنگلہ دیش نے نئی دلی میں قونصلر اور ویزا سروس عارضی معطل کر دیں۔https://jang.com.pk/assets/front/images/jang-icons/16x16.png
سیاسی مبصرین کے مطابق بی این پی اس وقت انتخابات میں سب سے مضبوط جماعت کے طور پر ابھر رہی ہے اور کسی بڑی غیر متوقع صورتحال کے بغیر اس کی کامیابی کے امکانات زیادہ ہیں۔
طارق رحمان نے حالیہ مہینوں میں واضح کیا ہے کہ بی این پی کی حکومت بننے کی صورت میں بنگلادیش کی خارجہ پالیسی ’بنگلادیش فرسٹ‘ ہوگی۔
ان کے مطابق ملک کے فیصلے کسی بیرونی دباؤ کے بغیر قومی مفاد میں کیے جائیں گے۔ یہ مؤقف عبوری حکومت کے سربراہ محمد یونس کی خارجہ پالیسی سے مختلف ہے، جن پر بی این پی نے الزام عائد کیا ہے کہ وہ منتخب مینڈیٹ کے بغیر طویل المدتی فیصلے کر رہے ہیں۔
بی این پی نے سابق وزیرِاعظم شیخ حسینہ اور ان کی جماعت عوامی لیگ پر آمریت اور جمہوریت کو کمزور کرنے کے بھی الزامات لگائے ہیں جبکہ عبوری حکومت سے بھی انتخابات کے انعقاد کے معاملے پر اختلافات سامنے آئے ہیں۔ https://jang.com.pk/assets/uploads/updates/2025-12-19/1538981_060640_updates.jpg
بنگلادیش: انقلابی طالبعلم شریف عثمان قتل، ڈھاکا میں بھارت کیخلاف مظاہرے
بنگلادیشی کے انقلابی طالبعلم رہنما شریف عثمان ہادی کے قتل پر دارلحکومت ڈھاکا سمیت مختلف شہروں میں بھارت کیخلاف مظاہرے اور پرتشدد واقعات شروع ہوگئے ہیں۔ https://jang.com.pk/assets/front/images/jang-icons/16x16.png
اس دوران جماعتِ اسلامی بنگلادیش کی سیاست میں واپسی اور انتخابات میں اس کے کردار پر بھی بحث جاری ہے، جماعتِ اسلامی نے روایتی سیاسی اتحاد سے الگ رہنے کا اعلان کیا ہے جس سے انتخابی مقابلہ مزید پیچیدہ ہو سکتا ہے۔
واضح رہے کہ طارق رحمان 2008ء میں 18 ماہ قید کے بعد علاج اور دیگر وجوہات کی بنا پر برطانیہ چلے گئے تھے۔
Pages:
[1]