شکتی کپور نے شردھا کپور کے کیریئر میں زوال کی افواہیں مسترد کر دیں
https://jang.com.pk/assets/uploads/updates/2025-12-26/1541088_9523280_10_updates.jpgفائل فوٹوز
سینئر بھارتی اداکار شکتی کپور نے اپنی بیٹی اور معروف اداکارہ شردھا کپور کے کیریئر سے متعلق پھیلنے والی افواہوں کو سختی سے مسترد کر دیا۔
73 سالہ شکتی کپور نے ایک یوٹیوب پوڈکاسٹ میں گفتگو کرتے ہوئے ان دعوؤں پر ردعمل دیا کہ شردھا کپور کو عالیہ بھٹ اور اننیا پانڈے جیسی اداکاراؤں کے مقابلے میں کم مواقع مل رہے ہیں۔
انہوں نے کہا کہ حقیقت اس کے برعکس ہے اور اعداد و شمار خود سب کچھ بیان کرتے ہیں۔
شکتی کپور کے مطابق وہ فلمیں کم کرتی ہے، مگر بہترین کرتی ہے، وہ کم فلمیں سائن کرتی ہے لیکن معاوضہ سب سے زیادہ لیتی ہے، سال میں صرف ایک یا دو فلمیں کرتی ہے۔
انہوں نے طنزیہ انداز میں کہا کہ کیا اسے کام نہیں مل رہا؟ شردھا کپور اسکرین پر کم نظر آنے کو ترجیح دیتی ہیں کیونکہ وہ اپنے فیصلے خود کرتی ہیں اور اپنی اندرونی آواز پر یقین رکھتی ہیں۔ https://jang.com.pk/assets/uploads/updates/2025-11-22/1530855_120549_updates.jpg
اداکارہ شردھا کپور کا پاؤں فریکچر، فلم کی شوٹنگ روک دی گئی
اداکارہ شردھا کپور کو لکشمن اُٹیکر کی آنے والی فلم ‘ایٹھا’ کی شوٹنگ کے دوران ٹخنے میں چوٹ لگ گئی، جس کے بعد فلم کی شوٹنگ کچھ عرصے کے لیے روک دی گئی ہے۔ https://jang.com.pk/assets/front/images/jang-icons/16x16.png
ان کا کہنا تھا کہ وہ بہت ضدی ہے، دل کی سنتی ہے، اس کے کچھ اصول ہیں اور وہ ان پر سختی سے عمل کرتی ہے۔
واضح رہے کہ شردھا کپور کو آخری بار ہارر کامیڈی فلم ’استری 2‘ میں دیکھا گیا تھا، جو باکس آفس پر بلاک بسٹر ثابت ہوئی، اس کے علاوہ انہوں نے حال ہی میں اینیمیٹڈ فلم ’زوٹوپیا 2‘ کے ہندی ورژن میں جوڈی ہوپس کے کردار کو اپنی آواز دی۔
Pages:
[1]