صبا قمر کیخلاف پنجاب پولیس کا یونیفارم پہننے پر مقدمہ درج کرنے کی درخواست
https://jang.com.pk/assets/uploads/updates/2025-12-25/1540795_4449735_saba_updates.jpgتصویر بشکریہ سوشل میڈیاپاکستان کی معروف اداکارہ صبا قمر پولیس کی وردی پہننے کے بعد مشکل میں پڑ گئیں۔
صبا قمر کے پولیس یونیفارم پہن کر ویڈیو شوٹ کروانے کے خلاف مقدمہ درج کرنے کی درخواست دائر کردی گئی۔
اس حوالے سے لاہور میں ایڈیشنل سیشن جج الیاس ریحان نے ا داکارہ کے خلاف درخواست پر سماعت کی۔
اس معاملے پر درخواست گزار وسیم زوار نے مؤقف اختیار کیا ہے کہ سوشل میڈیا پر ایک ویڈیو میں صبا قمر ڈریسنگ روم میں پولیس یونیفارم میں ملبوس ہیں اور انہوں نے ایس پی کا بیج بھی لگایا ہوا ہے۔
درخواست گزار کے مطابق پولیس یونیفارم پہننے سے قبل پولیس سے این او سی لینا ہوتا ہے۔
درخواست گزار نے مؤقف اپنایا ہے کہ تھانہ پرانی انار کلی کو مقدمہ درج کرنے کی درخواست دی جس پر کارروائی نہیں ہوئی۔
عدالت نے سماعت 14 جنوری تک ملتوی کردی ہے۔
Pages:
[1]