کراچی میں ڈبل ڈیکر بس سروس کا آغاز ہو گیا
https://jang.com.pk/assets/uploads/updates/2025-12-31/1542551_6511792_04_updates.jpgفائل فوٹوکراچی میں ڈبل ڈیکر بس سروس کا آغاز ہو گیا۔ سندھ کے سینئر وزیر شرجیل میمن اور وزیر بلدیات ناصر شاہ نے ڈبل ڈیکر بسوں کا افتتاح کیا۔
حکام نے شرجیل انعام میمن کو بسوں کی خصوصیات سے متعلق بریفنگ دی۔
اس موقع پر شرجیل میمن کا کہنا تھا کہ ہم نے عوام سے ڈبل ڈیکر بسوں کا وعدہ کیا تھا، ایسے پروجیکٹ لا رہے ہیں جس سے زیادہ سے زیادہ لوگوں کو فائدہ ہو۔ https://jang.com.pk/assets/uploads/updates/2025-12-30/1542311_022033_updates.jpg
کراچی: اورنج لائن بس کو گرین لائن سے ملانے کے منصوبے کا افتتاح
انہوں نے کہا کہ یہ پاکستان کی پہلی بی آر ٹی ہے جس میں ایک ہی کارڈ چلے گا، اب ہم مزید کوشش کریں گے، روزانہ ایک لاکھ مسافر سفر کرسکیں گے۔ https://jang.com.pk/assets/front/images/jang-icons/16x16.png
انہوں نے کہا کہ ڈبل ڈیکر کا روٹ 22 کلو میٹر پر مشتمل ہے اور اس کا کرایہ 80 سے 120 روپے ہوگا، ڈبل ڈیکر بس سروس ابتدائی طور پر ملیر سے شارع فیصل تک چلائی جائیں گی، کوشش ہے کہ سب سڑکوں پر ڈبل ڈیکر بسیں نظر آئیں۔
صوبائی وزیر نے کہا کہ بس کے کرایوں میں سبسڈی دے رہے ہیں، روزانہ کی بنیاد پر عوام کے لیے سہولتیں بڑھا رہے ہیں، کوشش ہے کہ نئے سال میں ٹرانسپورٹ کی سہولتیں سندھ بھر میں دی جائیں۔
ان کا کہنا تھا کراچی کی سڑکوں کے لیے تمام لوگ مل کر کام کر رہے ہیں، صعنتی علاقوں کے لیے 9 ارب روپے کا بجٹ رکھا گیا ہے جبکہ شاہراہ بھٹو اسٹیٹ آف دی آرٹ کا تحفہ عوام کو دیا گیا ہے۔
Pages:
[1]