ان شاءاللّٰہ کشمیریوں اور فلسطینی بہن بھائیوں کو آزادی کا سورج دیکھنا ضرور نصیب ہوگا: پنجاب گورنر
https://jang.com.pk/assets/uploads/updates/2026-01-01/1542845_6685181_News3_updates.jpg---فائل فوٹو
صوبہ پنجاب کے گورنر سلیم حیدر نے سالِ نو کی آمد پر قوم کو مبارکباد دی ہے۔
گورنر سلیم حیدر نے اپنے بیان میں کہا کہ نئے سال کے آغاز پر ہمیں کشمیری اور فلسطینی بہن بھائیوں کو بھی یاد رکھنا ہے، ان شاءاللّٰہ کشمیریوں اور فلسطینی بہن بھائیوں کو آزادی کا سورج دیکھنا ضرور نصیب ہوگا۔
سلیم حیدر نے کہا کہ امید ہے کہ 2026ء ملکی ترقی، استحکام اور امن کا سال ثابت ہوگا، اللّٰہ تعالیٰ سے دعا ہے کہ سال نو میں ملک سے دہشت گردی کا مکمل خاتمہ ہو، قیامِ امن کے لیے جانوں کے نذرانے پیش کرنے والے شہداء کی عظیم قربانی کو سلام پیش کرتا ہوں۔ https://jang.com.pk/assets/uploads/akhbar/2026-01-01/1542758_054623_updates.jpg
2025 پاکستانی معیشت کیلئے استحکام، بحالی اور اعتماد کی واپسی کا سال
اسلام آباد پاکستانی معیشت کے لیے 2025کا سال... https://jang.com.pk/assets/front/images/jang-icons/16x16.png
انہوں نے مزید کہا کہ سال 2025ء میں بھارت کے خلاف معرکۂ حق کی شاندار کامیابی ملکی تاریخ میں ہمیشہ زندہ رہے گی،تمام سیاسی جماعتوں کو چاہیے کہ ملکی ترقی اور استحکام میں کردار ادا کریں۔
گورنر پنجاب کا کہنا ہے کہ یہ ملک ہم سب کا ہے، اسے ہر طرح کے انتشار اور فساد سے پاک رکھنا ہے۔
Pages:
[1]