بھارتی وزیر خارجہ کا مصافحہ اللّٰہ کرے اخلاص والا ہو، منافقت والا نہ ہو، طلال چوہدری
https://jang.com.pk/assets/uploads/updates/2026-01-01/1542921_7184017_talal_c_updates.jpgطلال چوہدری : فائل فوٹووزیر مملکت برائے داخلہ طلال چوہدری کا کہنا ہے کہ بھارتی وزیر خارجہ کا مصافحہ اللّٰہ کرے اخلاص والا ہو، منافقت والا نہ ہو، اس سے پہلے بھارت نے جتنے بھی مصافحے کیے ہیں وہ سب منافقت والے تھے۔
اپنے بیان میں طلال چوہدری نے کہا کہ یہ وہی بھارت ہے جو کھیلوں کے میدان میں بھی ہم سے ہاتھ نہیں ملاتا تھا، بھارت دنیا کو کہتا تھا کہ ہم ان کے ساتھ اس لیے نہیں بیٹھتے کہ یہ ہمارے ہم پلہ نہیں، مئی کی جنگ نے دنیا میں ہر چیز بدل دی ہے، اس وقت الحمداللّٰہ پوری دنیا میں پاکستان کا بھارت سے زیادہ وزن ہے۔
وزیر مملکت نے کہا کہ بھارت بین الاقوامی طور پر نہ صرف جنگ ہارا بلکہ اس کے بیانیہ کو بھی شکست ہوئی، پہلگام کی بات کریں پلوامہ کی بات کریں یہ سب بی جے پی کی سازش تھی۔ https://jang.com.pk/assets/uploads/updates/2025-12-08/1535664_094123_updates.jpg
طلال چوہدری نے بانی پی ٹی آئی کی اڈیالہ جیل سے منتقلی کا اشارہ دے دیا
وزیر مملکت نے کہا کہ اڈیالہ سمیت جہاں بھی انتشار پھیلایا گیا، وہاں قانون حرکت میں آئے گا، خیبرپختونخوا حکومت کے وسائل استعمال کرنے کی اجازت نہیں دی جائے گی۔ https://jang.com.pk/assets/front/images/jang-icons/16x16.png
طلال چوہدری نے کہا کہ مشیر اطلاعات کے پی اور عظمیٰ بخاری کے درمیان جو زبان استعمال ہوئی وہ نہیں ہونی چاہیے تھی، جو خیبر پختونخوا کے وزیر نے باتیں کی ہیں اس کے بعد ہمارے پاس کیا آپشن بچتا ہے؟
انہوں نے کہا کہ عظمیٰ بخاری خاتون ہونے کے باوجود اس کو جواب دے رہی ہے، ایسے لوگوں کو جواب نہ دیا جائے تو یہ سمجھتے ہیں کہ ان کی یہ غنڈا گردی چل گئی ہے۔ https://jang.com.pk/assets/uploads/updates/2025-12-05/1534764_060409_updates.jpg
جو ڈی جی آئی ایس پی آر نے کہا ہے اس بارے میں حکومت ضرور سوچے گی، طلال چوہدری
طلال چوہدری نے کہا کہ ایم کیو ایم نے بھی اپنے بانی سے لاتعلقی کا اظہار کیا تھا، بانی پی ٹی آئی بھی وہی سب کچھ کر رہے ہیں جو بانی ایم کیو ایم کرتے تھے۔ https://jang.com.pk/assets/front/images/jang-icons/16x16.png
طلال چوہدری نے مزید کہا کہ نواز شریف کہیں گم نہیں ہیں آپ کو ہماری شکلوں میں کیا نظر آتا ہے، ہم سب نواز شریف ہیں، اس وقت نواز شریف کی ہی حکومت ہے، اس وقت تمام گائیڈ لائن نواز شریف کی ہے اور ہماری توجہ صرف کام پر ہے۔
وزیر مملکت نے کہا کہ شہباز شریف اور سی ڈی ایف کی جو پارٹنرشپ ہے وہ رزلٹ دے رہی ہے، اسی پارٹنرشپ نے دشمن ملک بھارت سے جنگ جیتی ہے اور معیشت بہتر کی، اسی پارٹنرشپ نے سفارتکاری کو عروج پر پہنچایا ہے، اللّٰہ کرے یہ جوڑی اسی طرح وکٹ پر کھڑی رہے اور پاکستان کیلئے رنز بنتے رہیں،مجھے دور دور تک ایسا کوئی بولر نہیں لگتا جو اس جوڑی کی وکٹ لے سکے۔
طلال چوہدری نے یہ بھی کہا کہ پاکستان کے مسائل حل کرنے کیلئے حکومت کی یا وزیراعظم کی کوئی انا نہیں، ہماری انا سے پاکستان کے مسائل اور پاکستان کا مفاد بڑا ہے، جب بھارت نے حملہ کیا تو ہم نے کوشش کی کہ سب کو آن بورڈ کیا جائے، افسوس یہ کہنا پڑتا ہے کہ بانی پی ٹی آئی کا مشن کچھ اور ہے، بانی پی ٹی آئی ایسی میز پر نہیں بیٹھنا چاہتے جس پر پاکستان کے مسائل کی بات ہو، بانی پی ٹی آئی جو چاہتے ہیں وہ کبھی نہیں ہوگا۔ https://jang.com.pk/assets/uploads/updates/2025-11-27/1532382_095459_updates.jpg
بانی پی ٹی آئی پاکستانی تاریخ کے سب سے وی آئی پی قیدی ہیں، طلال چوہدری
پی ٹی آئی نے بانی سے ملاقات نہ کروانے کا معاملہ سینیٹ میں اٹھا دیا، سینیٹر فیصل جاوید نے کہا بتایا جائے بانی پی ٹی آئی سے ملاقات کب کروائی جائے گی۔ https://jang.com.pk/assets/front/images/jang-icons/16x16.png
وزیر مملکت برائے داخلہ نے کہا کہ بانی پی ٹی آئی کے ذہن میں بنگلادیش، نیپال ہے، پاکستان میں ایسا کچھ نہیں ہوگا، ہم مسائل پر پی ٹی آئی سے ہمیشہ بات چیت کرنے کو تیار ہیں، بات چیت کوئی مخصوص شخصیت یا مخصوص کیسز سے متعلق نہیں ہوگی۔
طلال چوہدری نے مزید کہا کہ بانی پی ٹی آئی کے فیملی ممبران کی ملاقات نہ ہونا جیل حکام کا فیصلہ ہے، اگر آپ تھریٹ کریں، امن و امان کی صورتحال خراب کریں تو انتظامیہ یہ ساری چیزیں دیکھ کر فیصلہ کرتی ہے۔
Pages:
[1]